Esponiment relatat max-xogħol għal aġenti bijoloġiċi jista’ jiġi assoċjat ma’ diversi problemi ta’ saħħa, inkluż mard infettiv, kanċer u allerġiji. Xi aġenti bijoloġiċi jistgħu jagħmlu wkoll ħsara lil trabi fil-ġuf.

Ħaddiema f’ċerti setturi, bħas-servizzi tal-kura tas-saħħa u dawk veterinarji, l-agrikoltura, l-immaniġġjar tad-drenaġġ, u l-laboratorji, jinsabu partikolarment f’riskju. Dawn il-ħaddiema jistgħu jaħdmu direttament ma’ mikrobi jew ikunu esposti għalihom permezz ta’ kuntatt ma’, pereżempju, fluwidi tal-ġisem jew ħamrija. Jekk is-sors tal-esponiment għal aġent bijoloġiku jkun magħruf, huwa relattivament faċli li jiġu evitati l-effetti negattivi fuq is-saħħa. Il-maniġment tar-riskju ta’ sorsi ta’ esponiment mhux magħrufa huwa ħafna aktar diffiċli.

L-EU-OSHA toffri pubblikazzjonijiet dwar dan is-suġġett:

Aġenti bijoloġiċi u mard relatat max-xogħol: riżultati ta’ analiżi tal-letteratura, stħarriġ tal-esperti u analiżi tas-sistemi ta’ monitoraġġ: Rapport u Sommarju

Dokumenti ta’ diskussjoni li jidentifikaw is-setturi b’riskju għoli ta’ esponiment għall-aġenti bijoloġiċi: il-kura tas-saħħa, l-impjiegi li jinvolvu l-ivvjaġġar u l-kuntatt ma’ vjaġġaturi, l-impjiegi relatati mal-annimali; l-immaniġġjar tal-iskart u t-trattament tal-ilma mormi; u l-kultivazzjoni tar-raba’.

Ir-rapporti ta’ monitoraġġ tal-mard relatat max-xogħol li jitqiesu bħala sinjali bikrija ta’ twissija jistgħu jgħinu biex jidentifikaw sitwazzjonijiet jew postijiet tax-xogħol fejn l-immaniġġjar tas-saħħa u s-sikurezza okkupazzjonali jeħtieġ li jitjieb. L-EU-OSHA ppubblikat riċerka dwar sistemi ta’ twissija u ta’ kontroll sabiex tidentifika sinjali bikrija ta’ mard relatat max-xogħol:

Sistemi ta’ twissija u ta’ kontroll – rieżami tal-letteratura

Sistemi ta’ twissija u ta’ kontroll – proċeduri ta’ sessjonijiet ta’ ħidma għall-esperti

Approċċi ta’ twissija u ta’ kontroll għall-identifikazzjoni ta’ mard relatat max-xogħol fl-UE: Rapport u Sommarju

Sistemi ta’ twissija u ta’ kontroll – sessjonijiet ta’ ħidma għall-politika – proċedimenti 

Approċċi ta’ twissija u ta’ kontroll għall-identifikazzjoni ta’ mard relatat max-xogħol fl-UE: Preżentazzjoni għal udjenza esperta

Esplora l-karti kollha ta’ diskussjoni ta' esperti dwar Sistemi ta’ twissija u ta’ kontroll

L-għadd ta’ inċidenti fuq il-post tax-xogħol naqas b’25 % tul dawn l-aħħar 10 snin. Madankollu, il-mard relatat max-xogħol għadu jammonta għal stima ta’ 2.4 miljun mewta madwar id-dinja kull sena, li 200,000 minnhom iseħħu fl-Ewropa. 

Il-ħidma tal-EU-OSHA dwar mard relatat max-xogħol għandha l-għan li tipprovdi bażi ta’ evidenza għall-prevenzjoni, il-politika u l-prattika. Objettiv ieħor importanti huwa li tingħata ħarsa ġenerali aħjar lejn l-estent tal-piż okkupazzjonali tal-mard.

Il-mard relatat max-xogħol jinkludi:

Proġetti attwali

Fl-2015, l-EU-OSHA nediet proġett ġenerali li jkopri tliet oqsma ta’ riċerka, politika u prattika dwar il-mard relatat max-xogħol:

Definizzjonijiet u regolamenti

"Marda relatata max-xogħol" hija kwalunkwe marda kkawżata minn fatturi tal-post tax-xogħol jew li tmur għall-agħar minħabba fihom. Dan jinkludi ħafna mard li għandu aktar kawżi kumplessi, li jinvolvu kombinazzjoni ta’ fatturi okkupazzjonali u dawk mhux relatati max-xogħol.

"Marda okkupazzjonali" hija kwalunkwe marda kkawżata primarjament minn esponiment għal fattur ta’ riskju fiżiku, organizzazzjonali, kimiku jew bijoloġiku jew għal kombinazzjoni ta’ dawn il-fatturi fuq ix-xogħol. Il-mard okkupazzjonali huwa l-aktar dak elenkat fil-leġiżlazzjoni nazzjonali bħala li jirriżulta minn esponiment għal fatturi ta’ riskju fuq ix-xogħol. Ir-rikonoxximent ta’ marda okkupazzjonali jista’ jkun marbut mal-kumpens jekk jidher ċar li hemm relazzjoni kawżali bejn esponiment okkupazzjonali u l-marda.

L-iskeda Ewropea tal-mard okkupazzjonali tipprovdi rakkomandazzjonijiet li dwarhom il-mard okkupazzjonali jenħtieġ li jiġi inkluż fil-listi nazzjonali tal-Istati Membri. Din tagħmel ukoll rakkomandazzjonijiet dwar l-introduzzjoni ta’ regoli għal kumpens, prevenzjoni u ġbir ta’ data statistika.

Dokumenti ta’ gwida fil-livell tal-UE u fil-livell nazzjonali jiddefinixxu l-kriterji dijanjostiċi u ta’ esponiment għar-rikonoxximent ta’ marda relatata max-xogħol bħala marda okkupazzjonali elenkata. Fir-rigward tal-kumpens japplikaw kriterji addizzjonali, l-aktar dawk marbuta ma’ grad minimu ta’ korriment jew ta’ inkapaċità għax-xogħol. Bosta Stati Membri jippubblikaw data dwar mard okkupazzjonali rikonoxxut fir-rapporti annwali, pereżempju dwar l-istat tas-saħħa u s-sikurezza okkupazzjonali.

X’jikkawża l-mard fuq ix-xogħol?

Ħafna tipi ta’ mard, inkluż il-kanċer, id-disturbi fis-sistema tan-nifs, il-mard kardjovaskulari, il-mard tal-ġilda, il-mard muskoloskeletali u l-problemi ta’ saħħa mentali, jistgħu jiġu kkawżati jew imorru għall-agħar minħabba x-xogħol. Għalkemm il-kawżi sottostanti ta’ tali mard jistgħu jkunu kumplessi, ċerti esponimenti fuq il-post tax-xogħol huma magħrufa li jikkontribwixxu għall-iżvilupp jew għall-progressjoni ta’ marda, inklużi:

Huwa importanti li jiġu mmonitorjati mill-qrib ir-riskji assoċjati ma’ tali esponimenti u l-kombinazzjoni tagħhom ma’ xulxin u ma’ skedi tax-xogħol li jinbidlu.

Is-sensibilizzazzjoni u l-promozzjoni ta’ prevenzjoni

Prattiki tajbin fil-livell ta’ intrapriża jinkludu l-promozzjoni ta’ kultura tal-prevenzjoni tar-riskju u tal-benesseri fil-post tax-xogħol. Huwa vitali wkoll li l-intrapriżi jivvalutaw u jimmaniġġjaw ir-riskji u jirrispettaw il-ġerarkija tal-prevenzjoni.

Modi oħra li huma tajbin biex titnaqqas l-okkorrenza ta’ mard relatat max-xogħol huma billi jintuża monitoraġġ proattiv sabiex jiġu evitati l-problemi ta’ saħħa u billi jitrawwem post tax-xogħol tajjeb għas-saħħa permezz ta’ attivitajiet li jippromwovu s-saħħa fuq il-post tax-xogħol

15/12/2017

Studju ta’ fattibbiltà dwar l-iżvilupp ta’ stħarriġ fuq it-telefon megħjun mill-kompjuter biex jagħmel stima tal-esponiment tal-ħaddiema għall-karċinoġeni fl-Unjoni Ewropea

Niżżelin: en

Ara aktar

15/12/2017

Is-saħħa u sigurtà fuq il-post tax-xogħol huma tajbin għalik u tajbin għall-kumpanija

Niżżelin: en | bg | cs | da | de | nl | et | el | es | fr | hr | it | lv | lt | hu | mt | no | pl | ro | sk | sl | fi | sv |

Ara aktar

22/02/2018

Dokument ta’ informazzjoni: Sostituzzjoni ta’ sustanzi perikolużi fuq il-post tax-xogħol

Niżżelin: en | bg | cs | da | de | nl | el | es | fr | hr | it | is | lv | lt | hu | no | pl | pt-pt | ro | sl | fi | sv |

Ara aktar

22/02/2018

Dokument ta’ informazzjoni: Qafas leġiżlattiv dwar sustanzi perikolużi fuq il-postijiet tax-xogħol

Niżżelin: en | bg | da | de | nl | el | es | fr | hr | it | is | lt | hu | no | pl | pt-pt | ro | sk | sl | fi | sv |

Ara aktar

20/12/2017

Minn politika għal prattika: politiki, strateġiji, programmi u azzjonijiet li jappoġġjaw l-OSH fl-intrapriżi mikro u żgħar

Niżżelin: en

Ara aktar

20/12/2017

Is-sigurtà u s-saħħa fl-intrapriżi mikro u żgħar fl-UE: minn politika għal prattika — deskrizzjoni ta' eżempji tajbin

Niżżelin: en

Ara aktar

Bl-għajnuna tal-“punti ta’ kuntatt għal strateġiji nazzjonali” tal-Kummissjoni Ewropea, l-EU-OSHA ġabret informazzjoni dwar l-istrateġiji nazzjonali tal-OSH tal-Istati Membri li huma disponibbli fuq l-OSHwiki.

Subscribe to