Napo, bħala l-eroj tas-serje ta’ films animati, jipprovdi introduzzjonijiet divertenti, li jipprovokaw id-diskussjoni, għal suġġetti dwar is-saħħa u s-sigurtà okkupazzjonali (OSH) u l-prevenzjoni tar-riskji.
Napo huwa ħaddiem tipiku fi kwalunkwe industrija jew settur. Spiss, huwa espost għal perikli komuni u sitwazzjonijiet ta’ riskju fuq il-post tax-xogħol. Madankollu, huwa involut b’mod attiv fl-identifikazzjoni tar-riskji u biex jipprovdi soluzzjonijiet prattiċi.
Napo issa sar l-ambaxxatur ewlieni għall-Kampanji dwar il-Postijiet tax-Xogħol li jġibu ’l quddiem is-Saħħa tal-EU-OSHA u ħafna mill-films tiegħu jorbtu ma’ jew jappoġġjaw dawn il-kampanji. Huwa jidher personalment ukoll fl-avvenimenti ewlenin tal-kampanja.
Il-films ta’ Napo
Flimkien mal-kollegi tiegħu, Napo jidher f’serje ta’ films mhux marbutin ma’ lingwa, biex b’hekk nies ta’ kull sfond, kultura u età jkunu jistgħu jifhmu u jidentifikaw lilhom infushom miegħu. Il-films ikopru varjetà wiesgħa ta’ suġġetti dwar is-saħħa u s-sigurtà, pereżempju:
- Work-related stress and pychosocial risks: Napo in….When stress strikes
- Slips and trips: Napo in…No laughing matter
- Occupational risks linked to use of chemicals: Danger: chemicals!
Napo fuq il-post tax-xogħol
Dawn ir-riżorsi online huma mfassla sabiex jgħinu lill-organizzazzjonijiet jużaw il-films ta’ Napo mhux biss għas-sensibilizzazzjoni dwar is-suġġetti tas-saħħa u tas-sigurtà iżda wkoll sabiex jiġġeneraw diskussjonijiet fi gruppi fost il-membri tal-persunal tagħhom stess u dawk fil-ktajjen ta’ provvista tagħhom. Huma adatti wkoll sabiex jintużaw f’korsijiet ta’ taħriġ vokazzjonali.
L-ewwel sensiela, bit-titlu “Nifhmu d-Disturbi Muskoloskeletali”, tgħin lill-individwi u lill-organizzazzjonijiet jaħsbu dwar l-MSDs, bħall-uġigħ fid-dahar, disturbi relatati man-naħa ta’ fuq tad-dirgħajn u korrimenti ta’ strapazz ripetittiv, f’kull aspett tal-ħajja ta’ ħaddiem. Dan it-tip ta’ riflessjoni jista’ jgħin lill-organizzazzjonijiet jiżviluppaw soluzzjonijiet kompluti sabiex inaqqsu l-impatt tal-MSDs, u b’dan il-mod jgħinhom jipprovdu ħajja tax-xogħol sodisfatta għall-individwi, għall-familji tagħhom u għall-komunitajiet.
Napo għall-għalliema
Napo jgħin ukoll biex jintroduċi s-saħħa u s-sigurtà lit-tfal tal-iskejjel primarji. L-EU-OSHA fasslet sett ta’ għodod online dwar is-saħħa u s-sigurtà fuq il-post tax-xogħol għall-għalliema. Qed jiġu pprovduti pakketti ta’ studju li fihom:
- Key messages and learning objectives
- Activity ideas and online resources
- Sample 45-minute lesson plans
Wara skema pilota b’suċċess, dawn il-lezzjonijiet qed jiġu żviluppati u estiżi mal-Ewropa kollha.