Sett ta’ għodod għall-Kampanja tal-OSH

Image
OSH Campaign Toolkit

Is-‘Sett ta’ għodod għall-Kampanja tal-OSH Online’ jipprovdi pariri prattiċi dwar it-tħejjija u l-organizzazzjoni ta’ kampanji tal-OSH b'suċċess u juri eżempji prattiċi ta’ diversi għodod ta’ komunikazzjoni b’għajnuniet u suġġerimenti prattiċi għall-użu tagħhom.

L-Aġenzija Ewropea għas-Saħħa u s-Sigurtà fuq il-Post tax-Xogħol ħolqot Sett ta’ għodod għall-Kampanja tal-OSH, websajt iddedikata biex tipprovdi gwida pass pass għall-ippjanar u l-organizzazzjoni ta’ kampanji promozzjonali tal-OSH effikaċi, irrispettivament mid-daqs tal-organizzazzjoni tiegħek.

Hija faċli biex tużaha u tipprovdi l-pariri kollha meħtieġa biex tibda kampanja.

Kif nużaha?

Is-sett ta’ għodod għandu jgħin fl-ippjanar ta’ kampanja u fid-deċiżjoni dwar:

  • il-Messaġġi tagħha
  • L-udjenza fil-mira tagħha
  • Id-distribuzzjoni ġeografika tagħha
  • Il-baġit allokat lilha, u aktar

Iżda mhuwiex sett ta’ regoli stretti li jridu jiġu segwiti. Minflok, is-sett ta’ għodod jagħti għażla ta’ rakkomandazzjonijiet li jistgħu jiġu adattati għal kull organizzazzjoni u għaċ-ċirkostanzi individwali tagħha.

Għodod u eżempji

Is-sett ta’ għodod jissuġġerixxi riżorsi li għandhom jgħinu biex il-kampanja tkun suċċess, inkluż għodod għal:

  • Komunikazzjoni mal-midja
  • Reklamar
  • Avvenimenti

Joffri għajnuniet u suġġerimenti prattiċi u jipprovdi eżempji mid-dinja reali tal-użu tagħhom.