Il-mard kardjovaskulari jikkawża 1.71 miljun mewta kull sena fl-UE. Huwa wkoll it-tieni kawża l-aktar komuni ta’ mwiet relatati max-xogħol.

Bħala parti mill-programm ta’ riċerka fuq skala kbira tal-EU-OSHA dwar is-suġġett, serje ta’ pubblikazzjonijiet ġodda janalizzaw ir-regolamenti, l-istrateġiji u l-inizjattivi eżistenti mmirati lejn il-prevenzjoni ta’ mard kardjovaskulari u l-promozzjoni ta’ ritorn effettiv u żamma fuq il-post tax-xogħol.

Il-Ġimgħa Ewropea għas-Saħħa u s-Sigurtà fuq il-Post tax-Xogħol 2026 se ssir mid-19 sal-24 ta’ Ottubru. Din tenfasizza l-importanza tal-bini ta’ postijiet tax-xogħol sostenibbli fl-Ewropa kollha li jipproteġu lill-ħaddiema u jgħinu lill-organizzazzjonijiet jirnexxu.

L-Offerta għas-Sħubija fil-Kampanja tagħna tibda llum! Opportunità għall-organizzazzjoni tiegħek biex tingħaqad ma’ kumpaniji Ewropej u internazzjonali oħra li jikkondividu impenn għall-promozzjoni ta’ saħħa mentali tajba ix-xogħol.