Fyrirtækjanet Evrópu (e. Enterprise Europe Network - EEN) hjálpar fyrirtækjum við nýsköpun og að vaxa á alþjóðlegum mælikvarða. Það er stærsta stuðningsnet heims fyrir lítil og meðalstór fyrirtæki sem stefn á þátttöku á alþjóðlegum markaði.

Netið er virkt um allan heim. Þar koma saman sérfræðingar frá aðildarfélögum sem eru þekktir fyrir framúrskarandi fyrirtækjastuðning.

Samskiptaverkefnið (e. Communication Partnership Project - CPP) miðar að því að vekja athygli á mikilvægi vinnuverndarstarfs fyrir lítil og meðalstór fyrirtæki og veita þeim greiðan aðgang að hagnýtum upplýsingum og gagnlegum tengiliðum á landsvísu og svæðisbundnum vettvangi, en dæmi um slíkt eru EEN OSH verðlaunin.

Meðlimir EEN eru einn helsti samstarfsaðili sem hjálpar EU-OSHA að ná markmiðum sínum, ásamt Aðalskrifstofu innri markaðar, iðnaðar, frumkvöðlastarfs og lítilla og meðalstórra fyrirtækja (DG GROW), Evrópska nýsköpunarráðinu og framkvæmdaskrifstofu lítilla og meðalstórra fyrirtækja (EISMEA) og innlendum tengipunktum EU-OSHA.

Aðalskrifstofa innri markaðar, iðnaðar, frumkvöðlastarfsemi og lítilla og meðalstórra fyrirtækja: (DG GROW) er þjónusta framkvæmdastjórnar Evrópusambandsins sem ber ábyrgð á því að skipuleggja innri markaðinn fyrir vörur og þjónustu; hjálpa til við að breyta ESB í snjallt, sjálfbært hagkerfi fyrir alla aðila; stuðla að frumkvöðlastarfi og vexti með því að draga úr stjórnsýslubyrði lítilla fyrirtækja; að auðvelda aðgang að fjármögnun fyrir lítil og meðalstór fyrirtæki og styðja við aðgang að alþjóðlegum mörkuðum fyrir ESB fyrirtæki; sem og að móta stefnu um vernd og framfylgd iðnaðarréttinda, samræma stöðu ESB og samningaviðræður í alþjóðlega hugverkaréttindakerfinu (IPR) og aðstoða frumkvöðla um hvernig eigi að nota IP réttindi á áhrifaríkan hátt.

Evrópska nýsköpunarráðið og framkvæmdaskrifstofa lítilla og meðalstórra fyrirtækja (EISMEA) var stofnað 1. apríl 2021 með það að markmiði að efla nýsköpun á innri mörkuðum með því að skapa öfluga samlegðaráhrif til að styðja við endurreisn evrópska hagkerfisins og sameina alla starfsemi Evrópska nýsköpunarráðsins (EIC) í eina stofnun sem og áætlanir sem tengjast litlum og meðalstórum fyrirtækjum.

Stofnunin ber að sönnu ábyrgð á þróun og innleiðingu Evrópska nýsköpunarráðsins og stýrir öðrum áætlunum ESB þegar kemur að stuðningi við lítil og meðalstór fyrirtæki, sem og nýsköpunarvistkerfum, innri markaði, neytendastefnu og nýsköpunarfjárfestinga milli svæða. 

Frá 2009 hefur EEN starfað með EU-OSHA að því að auka vitund um vinnuvernd meðal ör-, smá- og meðalstórra fyrirtækja. Í því skyni tilnefnir EEN vinnuverndarsendiherra í hverju landi fyrir sig. Hlutverk þeirra felst í því að samræma starfsemi, kynna vinnuverndarstarf fyrir lítil og meðalstór fyrirtæki á landsvísu og skila skýrslu til EU-OSHA einu sinni á ári um vinnuverndarstarfið sem unnið er.

Árið 2021 var áætlunin útvíkkuð til sex landa utan ESB (þ.e. lönd sem þiggja fjármögnunarleið við foraðildarstuðning ESB (e. Instrument for Pre-Accession Assistance - IPA)): Albanía, Bosnía og Hersegóvína, Svartfjallaland, Norður Makedónía, Serbía og Tyrkland) sem og sendiherrar IPA EEN OSH voru tilnefndir.

Sjá heildarlista yfir sendiherra EEN OSH

Innan CPP er hlutverk samskiptasamstarfshópsins (e. Communication Partnership Working Group - CPWG), sem samanstendur af þremur innlendum tengiliðum, þremur EEN OSH sendiherrum og fulltrúum EU-OSHA, DG GROW og EISMEA, aðallega að veita stefnumótandi og sérfræðiráðgjöf varðandi innleiðingu og eftirlit með samskiptasamstarfsáætlun ESB og OSHA.

Sem hluti af herferðinni Vinnuvernd er allra hagur miða EEN-vinnuverndarverðlaunin að því að auka vitund um og stuðla að vinnuvernd hjá litlum og meðalstórum fyrirtækjum. Meðlimum EEN úr aðildarríkjunum 27 og Íslandi, Liechtenstein og Noregi sem og IPA löndunum, er boðið að senda inn verkefni til viðurkenningar sem miða að því að stuðla að betra öryggi og heilbrigði í litlum og meðalstórum fyrirtækjum og passa í einn af eftirfarandi flokkum: verkefni og viðburðir sem stuðla að vinnuvernd; tengslamyndun og prent- og netsamskipti og útgáfa.

2013 | 2014/15 | 2016/17 | 2018/19 | 2020/21 

Rafrænt tól er hugbúnaður sem getur keyrt á internetinu, í tölvu eða síma, spjaldtölvu eða öðru rafrænu tæki. Rafræn tól eru að sjálfsögðu frábrugðin hefðbundnum gögnum og ritum sem gefin eru út á pappír.

Rafræn tól eru gagnvirk. Þau þarfnast inntaks af hálfu notanda, hvort sem er í formi þekkingar (s.s. með því að merkja við gátreiti eða færa inn upplýsingar) eða með mælingu á umhverfinu (s.s. mæling snjallsíma á hljóði eða ljósi). Tólið notar þessar upplýsingar til að skapa upplýsingar fyrir notandann (s.s. með því að leiða notandann í gegnum ákvörðunarferli). Að þessu leiti eru rafræn tól ólík föstum eða óbreytanlegum gögnum á borð við upplýsingablöð, gátlista eða rafræna leiðsögn.

Rafræn tól tengd vinnuvernd hjálpa fyrirtækjum (sérstaklega litlum og meðalstórum fyrirtækjum) að hafa stjórn á starfstengdri hættu og innihalda ýmsar gagnlegar upplýsingar. Rafræn tól nýtast þó við ýmsar aðrar aðstæður, allt frá hinum sérstækustu og afmörkuðustu til almennra nota. Til dæmis:

• til að hjálpa til við að uppfylla löggjöf um vinnuvernd;
• til að stuðla að virkum forvörnum (auka meðvitund, koma upplýsingum á framfæri);
• við þjálfun (t.d. á netinu).

Fyrir fyrirtæki eða einstaka notendur geta rafræn vinnuverndartól:

• hjálpað litlum og meðalstórum fyrirtækjum að tryggja vinnuvernd
• greitt fyrir viðskiptum (auðveldara er að greina og miða gögnum á rafrænu formi en á pappír);
• hjálpað til við að greina hættur á vinnustað;
• greitt fyrir áhættumatsferli;
• sýnt mögulegar lausnir á vandamálum tengdum vinnuvernd;
• stutt við forvarnarráðstafanir á vinnustað;
• verið auðveld í notkun, gagnvirk og aðgengileg.

Ólíkt pappírsgögnum er hægt að mæla notkun rafrænna tóla. Þú getur einnig fengið endurgjöf um skilvirkni og gagnsemi rafrænna tóla. Enn fremur má nota úttak rafrænna tóla (t.d. tölfræði) sem mælikvarða í verkefnum og til að fá nafnlaus gögn um hversu vel vinnuverndarreglum er fylgt.

Fyrir milliliði og stefnumarkandi aðila geta rafræn tól gengt hlutverki við að auka vitund (t.d. í kynningarherðum) og gert aðila óháðari föstum staðsetningum (s.s. aðila vinnumarkaðarins og eftirlitsstofnanir).

Loks eru rafræn tól heillandi kostur fyrir yngra fólk (starfmenn og nemendur) og loks getur dreifing á internetinu og samfélagsmiðlum náð til mjög fjölbreytts hóps.

Hafa þarf ýmislegt í huga við þróun rafrænna tóla:

• Hvaða tækni er nauðsynleg? Til dæmis þarf að huga að hýsingu og mismunandi tegundum tækja og stýrikerfa.
• Hvaða kostnaður fylgir þróun og viðhaldi? Þróunarkostnaður rafrænna tóla er yfirleitt lægri en kostnaður upplýsinga á pappírs (enginn kostnaður við prentun, dreifingu eða geymslu. Hins vegar leiðir þróun tólsins í ljós þarfir fyrir viðbætur (svo sem meiri gagnvirkni) og þróun þeirra kostar bæði tíma og peninga. Einnig fylgir kostnaður af viðhaldi og uppfærslu tólsins.
• Verður tólið á internetinu eða í farsíma? Sum tól geta staðið ein og sér í síma og virkað án nettengingar en önnur eru í formi vefsíðu sem krefst nettengingar. Auðveldara er að meta árangur vefsíðna en farsímaforrita en ekki er víst að notandinn hafi alltaf aðgang að internetinu. Þegar ákveðið er hvor leiðin er farin er gott að miða helst við þarfir notandans.
• Hver á höfundarréttinn? Óvissa getur oft vaknað á þessu sviði.
• Hefur verið gengið frá höfundarrétti fyrir alla þætti (s.s. hugbúnað, innihald og myndir)? Höfundarréttur útgefins efnis á pappír er ekki eins og höfundarréttur rafrænna tóla og oft þarf að leita ráðgjafar hjá lögfræðingum til að fá skorið úr vafaatriðum.

Þrátt fyrir að kostnaðarsamt geti verið að halda við og uppfæra rafræn tól má halda kostnaði í lágmarki með öðrum þáttum á borð við miðlun þekkingar og sameiginlegum aðferðum.

EU-OSHA telur rafræn vinnuverndartól gegna mikilvægu hlutverki í að gera vinnustaði öruggari og heilbrigðari. Því leggur það áherslu á að hvetja til þróunar á nýjum rafrænum vinnuverndartólum og að styðja, kynna og dreifa fyrirliggjandi tólum. EH-OSHA leggur áherslu á vinnuverndartól sem ekki eru þróuð í hagnaðarskyni eða sem eru ókeypis fyrir hinn endanlega notanda.

EU-OSHA tekur þátt í þróun vinnuverndartóla með því að:

• sameina hlutaðeigandi aðila (þróunaraðila, kynningaraðila, sérfræðinga og notendur) í umræðum um áskoranir og þarfir;
• miðla upplýsingum og þekkingu um hvernig rafræn tól eru þróuð;
• skiptast á þekkingu um góð vinnubrögð við þróun rafrænna tóla;
• greina áskoranir við þróun rafrænna tóla;
• styrkja árlega fundi;
• dreifa upplýsingum um hvernig tól eru gerð aðgengileg.

EU-OSHA styður fyrirliggjandi tól með því að:

• kynna rafræn tól í OSHwiki-greinum;
• hvetja til miðjunar, upptöku og aðlögun stofnana, fyrirtækja og aðildarríkja á fyrirliggjandi tólum;
• sinna kynningarstarfi á ýmsum vettvangi (tól eru notuð eða kynnt í öðrum verkefnum eða herferðum).