Á hverju ári fær EU-OSHA fjármagn frá fjárhagsyfirvöldum ESB sem samanstanda af Evrópuþinginu (Evrópuþingmenn kosnir í beinni kosningu) og ráðherraráði Evrópusambandsins (fulltrúar stjórnvalda aðildarríkjanna 27).

EU-OSHA stendur einnig fyrir öðrum verkefnum sem fá aðskilið fjármagn sem eyrnamerkt er af ESB. Dæmi eru stórt tilraunaverkefni um öryggi og heilbrigði eldri launþega og annað sem fjallar um vinnuvernd í löndum Evrópsku nágrannastefnunnar og samstarfsríkjum.

Upplýsingar um fjárhag og fjárhagsáætlun eftir fjárhagsári

255. grein stofnsáttmála Evrópubandalaganna, sem framkvæmd er með reglugerð 1049/2001 frá 30. maí 2001, veitir öllum borgurum Evrópusambandsins og öllum einstaklingum eða lögaðilum, sem býr eða er með skráða skrifstofu í aðildarríki, aðgengi að skjölum Evrópuþingsins, ráðsins og framkvæmdastjórnarinnar.

Vinnuverndarstofnun Evrópu vinnur að því að bæta gagnsæi í störfum sínum og samþykkti í maí 2004 reglugerðina 1049/2001 um aðgengi almennings að upplýsingum með samþykki stjórnarinnar.

Aðgengi að upplýsingum stjórnast af eftirfarandi reglum og lagaákvæðum:

• Reglugerð Evrópuþingsins og ráðsins nr. 1049/2001 frá 30. maí 2001 um aðgengi almennings að upplýsingum Evrópuþingsins, ráðsins og framkvæmdastjórnarinnar (Stjórnartíðindi Evrópu L 145 frá 31.05.2001)
• Reglugerð ráðsins (EB) nr. 1654/2003 frá 18. júní 2003 sem kveður á um breytingar á reglugerð (EB) nr. 2062/94 um stofnun Vinnuverndarstofnunar Evrópu (Stjórnartíðindi Evrópu L 245 frá 29.09.2003).
• Ákvörðun stjórnar Vinnuverndarstofnunar Evrópu frá 4. mars 2004 um framkvæmd á reglugerð (EB) Evrópuþingsins og ráðsins, nr.1049/2001 um aðgengi almennings að upplýsingum Evrópuþingsins, ráðsins og framkvæmdastjórnarinnar (Stjórnartíðindi Evrópu L 210 frá 11.06.2004)

Skráin gefur til kynna hvaða upplýsingar eru þegar aðgengilegar almenningi. Í slíku tilviki er hægt að birta og sækja innihald þeirra beint úr gagnagrunninum.

Sjá skrá yfir gögn í boði

Til þess að fá upplýsingar, sem ekki eru aðgengilegar í skránni, þarf að fylla inn og senda beiðni.

Einnig er hægt að senda beiðnir með því að senda bréf eða tölvupóst á einhverju af opinberum tungumálum Evrópusambandsins, til:

European Agency for Safety and Health at Work (EU-OSHA)
Documentation Section
BAT | B Accelerator Tower 
Gran Vía Don Diego López de Haro, 1, 16th floor 
48001 Bilbao, SPAIN

Tölvupóstfang: docrequest [at] osha [dot] europa [dot] eu (docrequest[at]osha[dot]europa[dot]eu)

Aðgengi að upplýsingum, sem falla undir undantekningar í 4. og 9. grein reglugerðar 1049/2001 kann að vera takmarkað.

Athugið að tilvísanir í skránni eru ekki lagalega bindandi. Aðeins lögfræðilegar gerðir, sem birtar eru í Stjórnartíðindunum, eru bindandi.