Vinnutengd áhætta vegna loftslagsbreytinga í Evrópu: ójöfn áhrif á öryggi og heilbrigði starfsmanna

Þessi rannsókn greinir áhættu fyrir öryggi og heilbrigði á vinnustöðum vegna loftslagsbreytinga í 30 Evrópulöndum. Könnunargögn sýna að útsetning fyrir miklum hita er algengust, einkum meðal starfsfólks í landbúnaði og útivinnu, verkafólks og farandverkafólks. Þar sem útsetning fyrir hita, sól, slæmum loftgæðum og öfgaveðri er mismikil eftir samfélagshópum er augljós þörf á markvissum forvörnum, samráði við starfsfólk og stefnumótun sem tekur mið af loftslagsbreytingum. Rannsóknin byggir á samræmdum gögnum og veitir þannig heildstæðari upplýsingar um landfræðilegan mun og mismun milli atvinnugreina en fyrri rannsóknir sem einskorðuðust við einstök lönd.