Stjórnin

Stjórnin setur fram stefnu og markmið stofnunarinnar og dregur framkvæmdastjóra til ábyrgðar. Henni er stjórnað að stofnreglugerð og starfsreglum. Stjórnin skipar framkvæmdastjóra og innleiðir þessi lykilskjöl:

Meðlimir stjórnarinnar eru skipaðir í samræmi við stofnreglugerð EU-OSHA. Framkvæmdastjórnin skipar fulltrúa þriggja helstu hópa hagsmunaaðila — ríkisstjórna, atvinnurekenda og verkalýðsfélaga — fyrir hvert aðildarríki. Framkvæmdastjórn Evrópusambandsins og Evrópuþingsins skipa óháðan sérfræðing.

Hlutverk stjórnarformanns róterar á milli fulltrúa þriggja helstu hagsmunaaðilahópanna. Stjórnin fundar tvisvar á ári og fundargerðir eru opnar almenningi, sjá aðild í stjórninni, þ.m.t. hagsmunaskráning og yfirlit yfir ferilskrár.

Framkvæmdastjórn stjórnarinnar.

Þetta er minni stýrihópur sem samanstendur af 8 aðilum stjórnarinnar. Hann hittist þrisvar sinnum á ári til að hafa umsjón með innleiðingu ákvarðana stjórnarinnar. Fundargerðir stjórnarinnar eru einnig opnar almenningi (sjá hér að neðan).

Sjá félagsaðild framkvæmdastjórnarinnar og varamenn.

EU-OSHA eru þríhliða samtök sem helga sig góðri stjórnun. Góð stjórnun felur í sér þó nokkra þætti svo sem hreinskilni og viðbragðsflýti, gagnsæi, reglufylgni, árangur, skilvirkni og ábyrgð.

Sem ESB-stofnun gegnir stjórnin og framkvæmdaráðið ásamt Framkvæmdastjóra mikilvægu hlutverki við innleiðingu meginreglna góðrar stjórnunar.

Af hverju skiptir stjórnun máli

Góð stjórnun tryggir að aðgerðir stofnunarinnar endurspegli breiðari hagsmuni, uppfylli væntingar hagsmunaaðila og séu viðeigandi fyrir þá sem verða fyrir áhrifum. Hún tryggir að mannauði og fjármagni sem ætlað er til að ná þessum markmiðum sé úthlutað á skilvirkan og áhrifaríkan hátt. Með því að auka gegnsæi, hlúir góð stjórnun að ábyrgð gagnvart hagsmunaaðilum og borgurum ESB.

Eftirfarandi kaflar lýsa því hvernig EU-OSHA nær fram góðri stjórnun.

Helstu ákvarðanatakar

Framkvæmdastjóri: Stjórnin skipar framkvæmdastjóra stofnunarinnar í samræmi við stofnreglurnar. Skipunartími er fimm ár og aðeins er hægt að framlengja honum einu sinni.

Stjórnin: Stjórnin setur fram áætlanir og markmið stofnunarinnar og dregur framkvæmdastjóra til ábyrgðar. Hún inniheldur fulltrúa frá aðildarríkjum ESB frá:

  • Ríkisstjórnum
  • Atvinnurekendum
  • Starfsfólki
  • Auk fulltrúa frá framkvæmdastjórn Evrópusambandsins

Evrópuþingið skipar óháðan sérfræðing sem hefur ekki kosningarétt.

Fulltrúar frá EES-EFTA löndum og fulltrúar frá nokkrum öðrum stofnunum ESB sitja einnig í stjórninni sem áheyrnarfulltrúar.

Hlutverk stjórnarformanns róterar á milli fulltrúa hagsmunaaðilahópanna þriggja, ríkisstjórna, atvinnurekenda og starfsfólks.

Framkvæmdastjórnin: Þetta er minni stýrihópur sem fengnir eru úr félögum stjórnarinnar. Hún stjórnar undirbúningi og innleiðingu ákvarðanna stjórnarinnar.

Ráðgjafahópar gefa stjórninni ráð og endurgjöf um vinnu hennar. Meðlimir þeirra eru skipaðir af stjórninni og innihalda einstaklinga frá starfsfólks- og atvinnurekendahópnum og ríkistjórnum.

Gegnsæi og ábyrgðarskil

Gegnsæi er forsenda fyrir ábyrgðarskilum.

Til að tryggja gegnsæi gerir Stofnunin lykilskjöl aðgengileg almenningi. Þar eru meðtalin Meginstefna stofnunarinnar, áætlanaskjöl og aðgerðaskýrslur, árlegar fjárhagsáætlanir, reikningar og skýrslur frá Endurskoðunarréttinum.

Framkvæmdastjórinn, æðstu yfirmenn og meðlimir stjórnarinnar þurfa að gefa upp hagsmuni sína (Lestu stefnu EU-OSHA um hagsmunaárekstur). Fundargerðir stjórnarinnar eru opnar almenningi.

Þó nokkrar ráðstafanir vegna ábyrgðarskyldu eru til staðar.

Framkvæmdastjórinn, sem fer með greiðsluheimildir, þarf að fá greiðsluheimild við innleiðingu fjárlaga frá Evrópuþinginu í samræmi við ráðleggingu frá framkvæmdastjórnarinnar.

Stjórnin gegnir einnig stóru hlutverki við að innleiða sameinaða ársvirkniskýrslu og gefa álit á ársreikningum. Enn fremur tekur stjórnin ákvarðanir um ráðningu og framlengingu samnings framkvæmdastjórans. Stjórnin innleiðir einnig meginstefnu stofnunarinnar, áætlanaskjöl og árlegar fjárhagsáætlanir.

Stofnunin reiðir sig á innri eftirlitsstaðla sem miða að því að tryggja að markmiðum hennar verði náð. Þar af leiðir að stofnunin kemur á kerfisuppbyggingu og innra eftirliti sem er í takti við staðlana og við áhættuumhverfið sem hún starfar innan.

Hluti af innri eftirlitskerfum sem eru til staðar til að tryggja lögmæti og reglufestu er að stofnunin innleiðir sérstakar ráðstafanir til að koma í veg fyrir og uppgötva sviksamleg framferði, þar með taldar aðgerðir gegn svikum.

EU-OSHA lýtur innri og ytri endurskoðunum sem gefa óháðar ráðleggingar, álit og tilmæli um gæði og virkni innra eftirlits og um reglufylgni stofnunarinnar við fjármála- og aðrar reglugerðir ESB.

Stjórnin innleiddi Evrópureglur um gott viðmót í stjórnsýslunni.

Framkvæmdarstjórnin hefur samþykkt góðar starfsvenjur fyrir meðlimi framkvæmdarstjórnarinnar.

Sjáðu aðild í stjórninni og framkvæmdastjórninni og lærðu meira um hlutverk þeirra.

Innri eftirlitsrammi EU-OSHA er í samræmi við endurskoðaðan innri eftirlitsramma framkvæmdastjórnar Evrópusambandsins (C(2017) 2373, lokadagsett 19. apríl 2017). Innri eftirlitsramminn samanstendur af fimm innri eftirlitsþáttum og 17 meginreglum. Á grundvelli árlegs áhættumats þróar EU-OSHA aðgerðaáætlun og gerir ráðstafanir til að draga úr áhættu eins og hægt er. 

Fimm innri eftirlitsþættir og 17 meginreglur eru eftirfarandi:

Eftirlitsumhverfi

1. EU-OSHA sýnir skuldbindingu um heilindi og siðferðileg gildi.

2. Stjórnin (GB) sýnir sjálfstæði frá stjórnendum og fylgist með þróun og frammistöðu innra eftirlits.

3. Framkvæmdastjórinn kemur á fót skipulagi, skýrslugjafarleiðum og viðeigandi yfirvöldum og ábyrgð við að ná markmiðum.

4. EU-OSHA sýnir skuldbindingu um að laða að, þróa og viðhalda hæfum einstaklingum í samræmi við markmið.

5. EU-OSHA ber ábyrgð á innra eftirliti sínu við að ná markmiðum sínum. 

Áhættumat

6. EU-OSHA skilgreinir markmið með nægilegum skýrleika til að gera kleift að bera kennsl á og meta áhættu í tengslum við markmið.

7. EU-OSHA greinir áhættu til að ná markmiðum sínum í öllu skipulaginu og greinir áhættu sem grundvöll til að ákvarða hvernig áhættu skuli stjórnað.

8. EU-OSHA telur möguleikann á svikum við mat á áhættu við að ná markmiðum sínum.

9. EU-OSHA greinir og metur breytingar sem gætu haft veruleg áhrif á innra eftirlitskerfið.

Eftirlitsstarfsemi

10. EU-OSHA velur og þróar eftirlitsstarfsemi sem stuðlar að því að draga úr áhættu til að ná markmiðum svo viðunandi sé.

11. EU-OSHA velur og þróar almennt eftirlit með tækni til að styðja við að ná markmiðum.

12. EU-OSHA beitir eftirlitsstarfsemi með stefnum fyrirtækja sem setja fram það sem búist er við og í verklagsreglum sem setja stefnur í framkvæmd. 

Upplýsingar og samskipti

13. EU-OSHA fær eða býr til og notar viðeigandi gæðaupplýsingar til að styðja við starfsemi innra eftirlits.

14. EU-OSHA miðlar innri upplýsingum, þ.m.t. markmiðum og ábyrgð á innra eftirliti, sem nauðsynlegar eru til að styðja við innra eftirlit.

15. EU-OSHA hefur samskipti við utanaðkomandi aðila um málefni sem hafa áhrif á starfsemi innra eftirlits. 

Vöktunarstarfsemi

16. EU-OSHA velur, þróar og framkvæmir yfirstandandi og/eða sérstakt mat til að ganga úr skugga um hvort þættir innra eftirlits séu til staðar og virki.

17. EU-OSHA greinir og miðlar tímanlega til þeirra aðila sem bera ábyrgð á að grípa til aðgerða til úrbóta, eftir því sem við á.    

Fyrir hvert fjárhagsár undirbýr framkvæmdastjóri Vinnuverndarstofnun Evrópu skýrslu um störf stofnunarinnar og starfsemi. Hún fylgir uppbyggingu árlegrar vinnuáætlunar í áætlanaskjalinu, og fjallar um stöðu helstu markmiða og aðgerða sem voru útlistuð í áætluninni. Hún skoðar líka úrræðin sem notaðar voru til að ná markmiðum stofnunarinnar. 

Ársskýrslan yfir störf stofnunarinnar gegnir einnig hlutverki starfsskýrslu framkvæmdastjóra og fjallar til dæmis um innleiðingu á innri eftirlitsramma, þar á meðal niðurstöður innri og ytri úttektar, utanaðkomandi matskerfi og árangursmælikvarða, svo og fjárhagslegar upplýsingar og upplýsingar um mannauðsmál.

Stjórn Vinnuverndarstofnun Evrópu sér um að greina og leggja mat á starfsskýrsluna. Þetta er mikilvægt skref þegar kemur að því að meta hvernig stofnunin innleiddi fjárhagsáætlun sína fyrir árið (ferli þar sem Evrópuþingið og ráðið koma við sögu).

Ársskýrslur frá fyrri árum yfir störf stofnunarinnar má finna á síðunni okkar yfir útgefið efni.

Áætlun 2025-2034:  skilgreina forgangsröðun til að hafa áhrif

Núverandi áætlun EU-OSHA lýsir forgangsröðun sinni í áratug og setur fram þrjár stefnumótandi aðgerðalínur með eftirfarandi markmiðum:

  1. Að leggja fram sannanir og þekkingu um núverandi, nýjar og tilvonandi áhættur varðandi áhrif þeirra á öryggi og heilsu og forvarnir, til að styðja við stefnumótun og rannsóknir.
  2. Að stuðla að og auðvelda þróun tækja og úrræða til að styrkja tengslanet stofnunarinnar og samstarfsaðila til að bæta forvarnir gegn vinnuverndaráhættu á vinnustað.
  3. Að skapa vitundarvakningu og tengslamyndunaraðgerðir til að gera stofnuninni og hagsmunaaðilum hennar kleift að efla jákvæða áhættuvarnamenningu í starfi.

Frekari upplýsingar má nálgast með því að sækja áætlun EU-OSHA 2025-2034.

Skipulag fyrir komandi ár

Á hverju ári undirbýr framkvæmdastjóri EU-OSHA og framkvæmdarstjórnin samþykkir áætlanaskjöl þar sem áætlanir stofnunarinnar fyrir næstu þrjú ár er að finna. Það leggur skýr markmið og miðar að því að tryggja að stofnunin nýti úrræði og sambönd sín með sem bestum hætti.  Í áætlunarskjalinu má finna upplýsingar um fyrirhugaða starfsemi og markmið, sérstaklega fyrir árin framundan.

Ársskýrslur og stök skjöl frá fyrri árum yfir störf stofnunarinnar má finna á síðunni okkar yfir útgefið efni.

Napó er hefðbundinn starfsmaður í iðnaði eða geira. Oft kemst hann í kynni við algengar hættur og áhættusamar aðstæður á vinnustaðnum. Hins vegar tekur hann virkan þátt í því að finna áhættur og veita hagnýtar lausnir.

Napó er nú orðinn einn helsti sendiherra herferðanna Vinnuvernd er allra hagur og margar kvikmyndir hans tengjast eða styðja við herferðirnar. Hann birtist einnig í eigin persónu á mörgum mikilvægum herferðarviðburðum.

Farðu á vefsíðu Napó til að skoða allar kvikmyndir Napó og aðrar netauðlindir.

Kvikmyndir Napó

Ásamt samstarfsmönnum sínum kemur Napó fyrir í röð tallausra kvikmynda sem gera fólki með alls kyns bakgrunn, menningu og aldur að átta sig betur og samsama sig honum. Kvikmyndirnar fjalla um fjölbreytt öryggis- og heilbrigðismál, til dæmis:

Áður en þú notar kvikmyndir Napó, vinsamlegast lestu réttindi og leyfi vandlega.

Napo á vinnustaðnum

Þessi skráarsöfn á netinu eru hönnuð til að hjálpa stofnunum að nota Napo-kvikmyndir, ekki aðeins til að vekja athygli á málefnum heilsu og öryggis, heldur einnig til að koma af stað hópumræðum meðal starfsmanna þeirra og þeirra sem eru í birgðakeðjunum. Söfnin henta einnig til notkunnar fyrir starfsþjálfunarnámskeið.

Fyrsta syrpan, sem ber heitið „Að skilja stoðkerfasjúkdóma“, leiðbeinir einstaklingum og stofnunum við að hugsa um stoðkerfasjúkdóma, svo sem bakverki, kvilla í efri útlimum og áverka vegna endurtekins álags, og tekur til allra hliða í starfsævi starfsmanns. Þesshátar umhugsun getur hjálpað stofnunum að þróa heildarlausnir til að draga úr áhrifum stoðkerfasjúkdóma og stuðlað þannig að heilbrigðri og fullri starfsævi fyrir einstaklinga, fjölskyldur þeirra og samfélög.

Napó fyrir kennara

Napo hjálpar einnig við að kynna vinnuvernd fyrir grunnskólabörnum. EU-OSHA útbjó vinnuverndartól á netinu fyrir kennara. Rannsóknarpakkar eru í boði sem innihalda:

  • Helstu skilaboð og námsmarkmið
  • Hugmyndir að starfsemi og úrræði á Netinu
  • Dæmi um 45-mínútna kennsluáætlun

Eftir árangursríkt tilraunaverkefni eru lexíurnar nú í þróun og verða í boði fyrir alla Evrópu.

Subscribe to