Spanja: Għodod diġitali għall-prevenzjoni tar-riskju ta’ puplesija fl-industrija tal-kostruzzjoni

Il-ħaddiema tal-kostruzzjoni spiss ikunu soġġetti għal kundizzjonijiet estremi tat-temp. Matul is-sajf, l-esponiment estensiv għas-sħana u r-radjazzjoni UV jista’ jikkawża eżawriment minħabba s-sħana u kolp ta’ sħana, biex ma nsemmux il-ħsara li ssir lill-ġilda u lill-għajnejn. Biex tiżgura s-saħħa u s-sigurtà tal-ħaddiema tagħha, il-kumpanija tal-kostruzzjoni bbażata fi Spanja Jacar Montajes adottat soluzzjonijiet diġitali sempliċi iżda effettivi flimkien ma’ miżuri preventivi. Brazzuletti li jintlibsu jwissu lill-ħaddiema biex jieqfu jekk it-temperatura tal-ġisem tagħhom togħla. Il-ħaddiema huma mgħammra wkoll b’xedd tal-għajnejn u ilbies protettivi, u għandhom aċċess għall-arja kkundizzjonata, għall-ilma kiesaħ u għall-prodotti ta’ protezzjoni kontra x-xemx fil-barrakki tax-xogħol.

Jacar Montajes hija waħda mill-eżempji rebbieħa tas-16-il kompetizzjoni tal-Premjijiet ta’ Prattika Tajba f’Postijiet tax-Xogħol Ħielsa mill-Periklu, li tirrikonoxxi l-prevenzjoni u l-ġestjoni b’suċċess tar-riskji marbuta mad-diġitalizzazzjoni fuq il-post tax-xogħol.