In-Netherlands: Rekords mediċi preventivi diġitalizzati għall-ħaddiema fl-industrija tal-kostruzzjoni u tal-infrastruttura

Volandis hija organizzazzjoni Olandiża mingħajr skop ta’ qligħ stabbilita mill-ftehim kollettiv tax-xogħol dwar il-Kostruzzjoni u l-Infrastruttura tat-13 ta’ Ġunju 2015 li tipprovdi servizzi biex tappoġġa l-kura preventiva individwalizzata tal-ħaddiema. Hija żviluppat il-Portal tal-Kura ta’ Prevenzjoni, punt uniku ta’ servizz għall-aċċess għar-rekords mediċi tal-ħaddiema fis-settur tal-kostruzzjoni u tal-infrastruttura. B’riżultat ta’ dan, it-tobba, is-servizzi tal-OSH u l-ħaddiema nfushom jistgħu faċilment jaċċessaw, jittrasferixxu u jżidu mal-fajls mediċi personali tal-ħaddiema b’mod uniformi.

Volandis hija waħda mill-eżempji mfaħħra tas-16-il kompetizzjoni tal-Premjijiet ta’ Prattika Tajba f’Postijiet tax-Xogħol Ħielsa mill-Periklu, li tirrikonoxxi l-prevenzjoni u l-ġestjoni b’suċċess tar-riskji marbuta mad-diġitalizzazzjoni fuq il-post tax-xogħol.