Id-Danimarka: Soluzzjonijiet diġitali għat-tnaqqis tal-aċċidenti f’kumpanija tal-kiri ta’ makkinarju u tagħmir

F’industrija fejn is-sigurtà hija kruċjali iżda ta’ spiss injorata, GSV Equipment Rental ħadet azzjoni u rnexxielha tnaqqas l-inċidenti fuq il-post tax-xogħol b’aktar minn 85 %. Iggwidata mill-motto tagħha “Nies qabel il-magni”, il-kumpanija introduċiet taħriġ obbligatorju dwar is-sigurtà, grupp iddedikat għas-sigurtà u applikazzjoni diġitali ta’ rappurtar f’ħin reali. B’impenn qawwi ta’ tmexxija u involviment tal-ħaddiema, is-sigurtà saret ċentrali għall-kultura tagħha, u b’hekk issaħħaħ kemm is-sodisfazzjon fix-xogħol kif ukoll il-vantaġġ kompetittiv.

GSV hija waħda mill-eżempji mfaħħra tas-16-il kompetizzjoni tal-Premjijiet ta’ Prattika Tajba f’Postijiet tax-Xogħol Ħielsa mill-Periklu, li tirrikonoxxi l-prevenzjoni u l-ġestjoni b’suċċess tar-riskji marbuta mad-diġitalizzazzjoni fuq il-post tax-xogħol.