Il-Greċja: Teknoloġiji ġodda u għodod diġitali biex jittejbu s-sigurtà, is-saħħa u l-benesseri fit-telekomunikazzjoni

Il-grupp OTE huwa organizzazzjoni kbira tat-telekomunikazzjoni fil-Greċja li tuża diversi għodod diġitali biex timplimenta inizjattivi ta’ sigurtà, saħħa u benesseri fl-unitajiet operattivi kollha tagħha. Pereżempju, l-użu tad-droni jtejjeb is-sigurtà fl-istazzjonijiet bażi u r-realtà virtwali tipprovdi taħriġ fir-rispons ta’ emerġenza. Il-webinars u s-servizzi ta’ konsulenza joffru wkoll appoġġ lill-persunal dwar kwistjonijiet relatati mal-benesseri fiżiku u mentali tagħhom.

Il-grupp OTE huwa wieħed mill-eżempji rebbieħa tas-16-il kompetizzjoni tal-Premjijiet ta’ Prattika Tajba għal Postijiet tax-Xogħol li Jġibu ’l Quddiem is-Saħħa, li tirrikonoxxi l-prevenzjoni u l-ġestjoni b’suċċess tar-riskji marbuta mad-diġitalizzazzjoni fuq il-post tax-xogħol.