© EU-OSHA / Fernando Aramburu
L-avveniment fuq jumejn li sar f'Bilbao laqqa' flimkien lil dawk li jfasslu l-politika, lil imsieħba soċjali, lil punti fokali tal-EU-OSHA, lil sħab uffiċjali fil-kampanja, lil sħab tal-midja u lil partijiet interessati oħrajn biex jiġi ċċelebrat it-tmiem tal-kampanja Postijiet tax-Xogħol li Jġibu 'l Quddiem is-Saħħa Jimmaniġġjaw is-Sustanzi Perikolużi.
Fost ir-riżorsi multipli tal-kampanja Postijiet tax-Xogħol li Jġibu 'l quddiem is-Saħħa 2018-19, l-għodda elettronika tal-EU-OSHA dwar is-sustanzi perikolużi u prodotti kimiċi għandha l-għan li tipprovdi lil intrapriżi bl-informazzjoni u bil-pariri li jkunu jeħtieġu biex jivvalutaw u jimmaniġġjaw il-perikli għas-saħħa u s-sigurta relatati.
Hekk kif il-25 sena anniversarju tal-EU-OSHA wasal biex jispiċċa, fl-aħħar artikolu tagħna tas-serje nħarsu lejn x’tagħmel l-Aġenzija sabiex jiġu antiċipati l-isfidi ġodda u emerġenti għas-sigurtà u s-saħħa tal-ħaddiema.
Sabiex tappoġġja l-Pjan Direzzjonali dwar il-Karċinoġeni, il-Presidenza tal-Kunsill tal-Unjoni Ewropea tal-Finlandja se torganizza konferenza speċjali fis-27-28 ta’ Novembru — “Naħdmu flimkien biex neliminaw il-kanċer okkupazzjonali”.
© INSHT
Ir-rapport il-ġdid tagħna janalizza l-letteratura xjentifika dwar mard speċifiku relatat max-xogħol - bħal mard infettiv u allerġiji - ikkawżat mill-aġenti bijoloġiċi. Jinkludi wkoll is-sejbiet ta’ stħarriġ tal-esperti u evalwazzjoni ta’ sistemi użati mill-Istati Membri tal-UE biex jimmonitorjaw tali mard u esponimenti. Ir-rapport jipprovdi rakkomandazzjonijiet għal prattiki aħjar ta’ monitoraġġ, strateġiji ta’ prevenzjoni u politiki.
photo: Aline Dassel via https://pixabay.com/
Li jkollok tħabbat wiċċek ma’ persuni diffiċli, movimenti ripetittivi tad-dirgħajn u tal-idejn, u l-irfigħ u t-trasport ta’ persuni jew tagħbijiet tqal għadhom ta’ spiss jiġu rapportati mill-intrapriżi bħala fatturi ta’ riskju għas-saħħa tal-ħaddiema fl-Ewropa. Dan huwa skont l-ewwel sejbiet tat-tielet Stħarriġ Ewropew ta’ Intrapriżi dwar Riskji Ġodda u Emerġenti (ESENER-3).
© Cristina Vatielli
Ir-rapport ta' ħarsa ġenerali Ewropew komprensiv ġdid tagħna u s-sommarju janalizzaw kif l-MSDs jaffettwaw il-forza tax-xogħol, is-soċjetà u l-ekonomija Ewropej.
Dawn il-pubblikazzjonijiet huma parti minn proġett fuq skala kbira tal-UE-OSHA li għandhom l-għan li janalizzaw id-data nazzjonali u Ewropea dwar l-MSDs, l-impatt tagħhom fuq is-saħħa u x-xogħol, il-fatturi ta’ riskju, u l-miżuri ta' prevenzjoni u ta’ ritorn għax-xogħol.
L-EU-OSHA u s-sħab u l-partijiet ikkonċernati tagħha jiltaqgħu f'Bilbao għall-aħħar pass importanti tal-kampanja 2018-19 - Il-Postijiet tax-Xogħol li Jġibu ’l Quddiem is-Saħħa Jimmaniġġjaw is-Sustanzi Perikolużi.
Is-summit jiċċelebra l-kisbiet tal-kampanja u jagħti lid-delegati l-opportunità li jikkondividu esperjenzi u l-aħjar prattika dwar is-sostituzzjoni ta’ sustanzi perikolużi, billi jiġi minimizzat l-esponiment għall-karċinoġeni u l-isfidi għal prevenzjoni effettiva.
Il-pjattaforma għall-Valutazzjoni tar-Riskju Interattiva Online tal-EU-OSHA - OiRA - kienet kisba kbira fil-25 sena tal-Aġenzija għall-promozzjoni u l-iffaċilitar ta’ valutazzjoni u ġestjoni tar-riskju effettivi fuq il-post tax-xogħol.
Il-pjattaforma li hi bbażata fuq il-web u hi faċli għall-utent tgħin lin-negozji minn madwar l-Ewropa, b’mod partikolari l-intrapriżi żgħar u mikro (MSEs), jivvalutaw u jimmaniġġjaw is-saħħa u s-sigurtà fuq il-post tax-xogħol (OSH) f’firxa ta’ setturi u f’bosta lingwi Ewropej.
Bird Island ta’ Sergio da Costa u Maya Kosa ħa t-titlu tal-aħjar film dwar suġġett relatat max-xogħol fil-Festival Internazzjonali ta’ Leipzig għad-Dokumentarji u l-Films (DOK Leipzig).
Il-film rebbieħ jindirizza r-riabilitazzjoni billi joħloq analoġija li ssaħħar bejn il-paċenzja u l-kura meħtieġa biex jiġi żgurat l-irkupru ta’ għasafar midruba f’xi santwarju u ta’ żagħżugħ li jerġa’ lura għax-xogħol wara marda fit-tul.
Pages | Pages |
