Suq Uniku Diġitali Ewropew konness li jneħħi l-ostakli regolatorji bejn in-nazzjonijiet, itejjeb l-infrastrutturi diġitali u jsaħħaħ il-ħiliet diġitali huwa prijorità ewlenija għall-Kummissjoni Ewropea. B’appoġġ għal dan u f’konformità mal-Qafas Strateġiku tal-UE dwar is-Sigurtà u s-Saħħa 2014–2020, dan il-proġett ta’ Tbassir twettaq mill-EU-OSHA bħala rispons għas-sejħa biex “jiġu antiċipati l-effetti negattivi possibbli ta’ teknoloġiji ġodda u bidliet fl-organizzazzjoni tax-xogħol dwar is-saħħa u s-sigurtà tal-ħaddiema”.
The Healthy Workplaces Film Award honours documentaries on work-related topics as part of EU‑OSHA’s Europe-wide Healthy Workplaces Campaigns. The award is presented annually at the International Leipzig Festival for Documentary and Animated Film (DOK Leipzig), held this year between 29 October and 4 November 2018. This year’s DOK Leipzig was the 61st edition of the festival, which is one of the most important festivals for documentary and animated films. It has hosted the Healthy Workplaces Film Award since 2009.
Rebbieħ tal-Premju tal-Film ta’ Postijiet tax-Xogħol li Jġibu ’l Quddiem is-Saħħa tal-2018
Marina | Il-Ġermanja | Julia Roesler
Il-film li rebaħ il-premju tal-ġurija jixħet dawl fuq il-ġerarkija globali tax-xogħol fejn il-ħtieġa ekonomika toħloq żbilanċi biex in-nies l-oħra jirnexxu. Il-ħtieġa għall-flus iġġiegħel lin-nisa jħallu lill-familji tagħhom fid-djar biex jimlew il-vojt fil-kura għall-anzjani fil-Punent.
Marina, infermiera Rumena, titkellem mingħajr ħabi u sal-iċken dettall dwar il-kura, il-kontrolli u l-umiljazzjonijiet li jsiru. Marina hawnhekk hija eżempju. Il-vuċi tagħha tirrappreżenta l-vuċi ta’ ħafna migranti tax-xogħol nisa tal-Ewropa tal-Lvant.
Il-film huwa prodott b’mod li jappella għan-nies li jikkomunika tajjeb mal-udjenza tiegħu.
Nomina speċjali
Open to the Public | L-Italja | Silvia Bellotti
Il-ġurija tixtieq tagħmel nomina speċjali għal film dedikat tat-tip fly-on-the-wall li jippreżenta b’mod sfaxxat il-burokrazija ta’ qtugħ ta’ nifs fid-dipartiment tal-akkomodazzjoni f’Napli. Mhux biss il-klijenti iżda anki l-impjegati taċ-ċivili jispiċċaw paralizzati bil-misteri tas-sistema fejn ħadd ma jidher li huwa responsabbli għal xejn.
Il-film inġibed u ġie editjat b’mod tajjeb ħafna, u dan kollu sar b’umoriżmu kbir u b’kompassjoni għall-protagonist.
Nomini
- Ash and Ember (De cendres et de braises) Manon Ott, Grégory Cohen, Franza
- The Time of Forests (Le temps des forêts) François-Xavier Drouet, Franza
- The Republic’s Couriers (Les coursiers de la république) Badredine Haouari, Franza
- Chez Jolie Coiffure Rosine Mbakam, il-Belġju
- The Days and the Year (Die Tage wie das Jahr) Othmar Schmiderer, L-Awstrija
- Oro Blanco Gisela Carbajal Rodriguez, il-Ġermanja, l-Arġentina
- Symphony of the Ursus (Factory Symfonia Fabryki Ursus) Jaśmina Wójcik, il-Polonja
Il-kampanja Postijiet tax-Xogħol li Jġibu ’l Quddiem is-Saħħa Jimmaniġġjaw is-Sustanzi Perikolużi 2018-19 toħloq sensibilizzazzjoni dwar is-sustanzi perikolużi fuq il-postijiet tax-xogħol u tipprovdi informazzjoni dwar kif jiġu evitati r-riskji assoċjati magħhom. Il-kampanja tiffoka b’mod partikolari fuq il-ħaddiema bi ħtiġijiet speċifiċi u timmira gruppi li huma partikolarment sensittivi għar-riskji, bħalma huma l-ħaddiema migranti u ż-żgħażagħ.
L-għan tal-attività huwa li tippromwovi u tappoġġja l-prevenzjoni ta’ MSDs u l-immaniġġjar ta’ MSDs relatati max-xogħol kroniċi fil-post tax-xogħol. Dan jinkiseb permezz tal-identifikazzjoni, iż-żieda fl-għarfien u l-għoti ta’ gwida dwar prattika tajba għall-awtoritajiet nazzjonali, l-impjegaturi u l-organizzazzjonijiet fil-livell tas-settur.
L-għanijiet tal-attività huma li:
- tintuża r-riċerka eżistenti u data ġdida biex jitjieb il-fehim tal-kawżi sottostanti tal-MSDs f’diversi setturi u okkupazzjonijiet;
- jiġu identifikati inizjattivi ta' suċċess għall-prevenzjoni u l-immaniġġjar ta’ MSDs u jiġu promossi ma’ udjenza usa’;
- li tiġi stimulata diskussjoni dwar l-appoġġ għal miżuri preventivi fil-livell nazzjonali fost dawk li jfasslu l-politika u l-professjonisti tas-saħħa u sikurezza okkupazzjonali (OSH, occupational safety and health);
- li tiġi promossa r-reintegrazzjoni fit-tul ta' suċċess tal-ħaddiema b’MSDs permezz tal-identifikazzjoni ta’ skemi u miżuri effettivi.
Il-kompiti ta’ riċerka jinkludu reviżjonijiet tar-riċensjonijiet, il-ġbir u l-analiżi tad-data, studji tal-każijiet, u identifikazzjoni tal-aħjar prattiki, għodod prattiċi u materjali għat-taħriġ u ż-żieda fl-għarfien.
Hemm numru ta’ oqsma għall-proġetti u attivitajiet oħra.
Ir-riċerka, il-politika u l-prattika dwar il-prevenzjoni tal-MSDs
L-MSDs relatati max-xogħol jibqgħu tħassib kbir minkejja d-deċenji ta’ investiment fil-prevenzjoni tagħhom fil-livelli kollha. Dan il-proġett jistaqsi għaliex huwa hekk u jirrakkomanda approċċi ġodda għat-trattament tal-kwistjoni, b’mod partikolari:
- it-titjib tal-fehim tagħna tar-riskji emerġenti u l-fatturi li jikkontribwixxu għal MSDs relatati max-xogħol;
- l-identifikazzjoni tal-isfidi relatati;
- l-identifikazzjoni tal-lakuni fl-istrateġiji attwali kemm fil-livell ta’ politika kif ukoll tal-post tax-xogħol;
- l-investigazzjoni tal-effikaċja u l-kwalità tal-interventi u l-valutazzjonijiet tar-riskju fuq il-post tax-xogħol.
Ħarsa ġenerali lejn il-fatti u l-figuri dwar l-MSDs
Neħtieġu stampa preċiża tal-prevalenza, il-kostijiet u d-demografika tal-MSDs madwar l-Ewropa biex nappoġġjaw lil dawk li jfasslu l-politika fil-livelli tal-UE u nazzjonali.
Il-proġett jipprovdi dan billi jiġbor flimkien u janalizza data minn sorsi uffiċjali rilevanti u affidabbli għat-titjib tal-fehim tagħna tal-kawżi sottostanti tal-MSDs. Dan jiffaċilita u jħeġġeġ strumenti ta’ politika li huma mmirati iktar u aħjar fil-livelli tal-UE u nazzjonali.
Il-proġett għandu l-għan ukoll li jiffaċilita l-identifikazzjoni iktar bikrija ta’ riskji ġodda u emerġenti fuq ix-xogħol, li jippermetti interventi iktar tempestivi u effettivi.
Ix-xogħol b’MSDs kroniċi
L-OSH għandu rwol fl-appoġġ għall-ħaddiema li għandhom MSDs bl-uġigħ biex ikomplu jaħdmu u biex jiżgura li x-xogħol ma jaggravax il-kundizzjoni tagħhom. Dan jinkiseb permezz tal-identifikazzjoni u l-valutazzjoni ta’ aġġustamenti adatti li jippermettu li l-ħaddiema jkomplu jaħdmu.
Din ir-riċerka tibni fuq l-element ta’ ritorn għax-xogħol tal-proġett dwar is-saħħa u s-sigurtà ta’ ħaddiem ikbar fl-età. Dan għandu l-għan li jżid l-għarfien u jtejjeb l-aċċess għal informazzjoni prinċipali biex jappoġġja l-impjieg ta’ persuni b’uġigħ relatat ma’ MSDs.
Jiġu identifikati soluzzjonijiet prattiċi, li jinkludu miżuri sempliċi li jappoġġjaw il-kontinwazzjoni tax-xogħol u riżorsa li tħeġġeġ lill-ħaddiema jirrapportaw sintomi kmieni.
Riżorsi ta’ taħriġ għall-post tax-xogħol
Hemm riżorsi pprovduti biex jappoġġjaw taħriġ vokazzjonali u taħriġ ta’ introduzzjoni u għall-użu f’sessjonijiet ta' tagħrif dwar is-sigurtà u diskussjonijiet dwar l-OSH fuq il-post tax-xogħol. Dawn jibnu fuq ir-riżorsi prodotti diġà biex jgħinu lill-għalliema jmexxu attivitajiet fil-klassi dwar l-MSDs għal studenti minn 7 sa 11-il sena bl-użu ta’ films ta' Napo.
Il-film Napo fi … ħaffef il-piż huwa ddedikat kompletament għall-MSDs, u Napo fi … Lura għal futur aktar b'saħħtu jinkludi xeni relatati mal-MSDs. Kull xena rilevanti fil-films għandha attività ta’ taħriġ b’għanijiet tat-tagħlim u ħarsa ġenerali tal-attività. Il-materjali huma ideali għal diskussjonijiet jew ħidma fi grupp wara li jintwera l-film ta' Napo.
Il-proġett jipprovdi wkoll “kards tas-sitwazzjoni” li jiddeskrivu sitwazzjonijiet fuq il-post tax-xogħol relatati mal-MSDs li jseħħu fil-ħajja reali, li huma ideali wkoll għal diskussjonijiet fi grupp. Kull kard tagħti biss biżżejjed informazzjoni biex wieħed jifhem il-kwistjoni u l-kuntest tas-sitwazzjoni, u tħalli lill-parteċipanti jesploraw is-soluzzjonijiet flimkien.
Sett ta’ għodod għall-prevenzjoni tal-MSDs
Inġabar sett ta’ għodod prattiċi biex iżid l-għarfien dwar l-MSDs u jappoġġja l-prevenzjoni fil-livell tal-post tax-xogħol.
Ir-riżultat ewlieni tal-proġett huwa bażi ta’ data aċċessibbli għall-pubbliku li fiha links għal riżorsi eżistenti dwar MSDs fl-Ewropa kollha:
- pubblikazzjonijiet
- studji tal-każijiet
- gwida
- għodod prattiċi
- materjal awdjoviżiv
Id-diversità fil-forza tax-xogħol u l-MSDs
Il-forza tax-xogħol tal-Ewropa qed issir dejjem iktar diversa bħala riżultat ta’:
- l-influss ta’ ħaddiema migranti u refuġjati;
- in-numru dejjem jikber ta’ ħaddiema migranti tat-tieni ġenerazzjoni;
- iż-żieda tal-għadd ta’ nisa fis-suq tax-xogħol;
- ħaddiema ta’ età ikbar, grazzi għall-politiki tat-tixjiħ attiv;
- titjib fil-viżibilità u l-parteċipazzjoni ta’ ħaddiema LGBTI;
- żieda fil-parteċipazzjoni tal-ħaddiema b’diżabilità.
Dawn il-gruppi ħafna drabi jesperjenzaw kundizzjonijiet tax-xogħol li huma agħar mill-medja. Dawn ħafna drabi jiġi segregati f’setturi jew f'xogħlijiet speċifiċi assoċjati ma’ kundizzjonijiet tax-xogħol dgħajfin, riskju miżjud ta’ MSDs u impatt ikbar fuq is-saħħa.
Dan il-proġett jippreżenta evidenza dwar ir-relazzjoni bejn l-MSDs u d-diversità fil-forza tax-xogħol u jidentifika prattiki tajbin fil-qasam, b’attenzjoni fuq ħaddiema migranti, ħaddiema nisa u LGBTI.
Is-saħħa muskuloskeletali u l-ħaddiema futuri
L-EU-OSHA qed taħdem mill-qrib ma’ ENETOSH biex tiġbor informazzjoni dwar riċerka, prattika tajba u għodod prattiċi dwar l-MSDs li huma mmirati lejn iż-żgħażagħ. Ir-riżultati ewlenin huma inklużi fil-bażi tad-data dwar l-MSDs żviluppata taħt il-proġett “Sett ta’ għodod għall-prevenzjoni tal-MSDs” u l-attivitajiet tal-Kampanja dwar Postijiet tax-Xogħol li Jġibu ’l Quddiem is-Saħħa.
Riżorsi disponibbli:
- Mard muskoskeletali fit-Tfal u ż-Żgħażagħ, artikolu tal-OSHwiki
- Skejjel u Studenti Attivi - Inizjattiva Finlandiża, artikolu tal-OSHwiki
- Il-mudell Awstrijak ‘Skola Attiva’: skejjel tajbin jippermettu lit-tfal jgħixu l-ħtieġa naturali tagħhom għall-eżerċizzju, Dokument ta' Diskussjoni
Qagħdiet statiċi fit-tul u l-MSDs
Qed tingħata dejjem iktar attenzjoni lill-MSDs assoċjati ma’ pożizzjonijiet bilwieqfa u bilqiegħa fit-tul.
L-inċidenza ta’ pożizzjoni bilqiegħda fit-tul żdiedet (eż. fix-xogħol tal-uffiċċju), iżda hemm pariri dwar il-prevenzjoni prattika limitati disponibbli. Il-pożizzjoni bilwieqfa fit-tul hija fattur ta’ riskju għal uġigħ fil-parti t’isfel tad-dahar u disturbi fir-riġlejn.
Dan il-proġett iżid l-għarfien u jipprovdi parir prattiku dwar ir-riskji ta’ u s-soluzzjonijiet għal pożizzjonijiet statiċi bilqiegħda u bilwieqfa fit-tul.
Artikoli tal-OSHwiki:
Ergonomika parteċipatorja għall-prevenzjoni tal-MSDs
“Ergonomika parteċipatorja tirreferi għal ħaddiema, superviżuri u partijiet oħrajn rilevanti li jidentifikaw u jindirizzaw b’mod konġunt il-perikli relatati max-xogħol li jistgħu jwasslu għal korrimenti u problemi tas-saħħa. Il-parteċipanti huma mħeġġin jidentifikaw u jneħħu r-riskji fil-postijiet tax-xogħol tagħhom li jistgħu jikkawżaw jew jaggravaw l-MSDs.
Eżempji jinkludu li wieħed jaħdem f’pożizzjonijiet skomdi, jagħmel xogħol ripetittiv u li jkollu japplika l-forza. Il-proċess jista’ jgħin lill-ħaddiema jimplimentaw is-soluzzjonijiet l-iktar effettivi.
Madankollu, hemm nuqqas ta’ għarfien tal-proċess u dwar kif jitwettaq fil-prattika. Il-proġett jipprovdi informazzjoni u riżorsi sempliċi biex jiġu indirizzati dawn il-ħtiġijiet, inklużi studji ta’ każijiet.
Fatturi ta’ riskju psikosoċjali u l-MSDs
Hemm evidenza li tissuġġerixxi li r-riskji psikosoċjali u l-MSDs huma tant interrelatati mill-qrib li dawn l-aħjar li jiġu ttrattati flimkien. Il-kunsens huwa li ħafna fatturi jikkontribwixxu għall-iżvilupp tal-MSDs fuq ix-xogħol, b’mod partikolari l-aspetti fiżiċi (pożizzjonijiet skomdi għax-xogħol, movimenti bis-saħħa, kompitit ripetittivi, eċċ).
Ir-riċerka reċenti ffukat fuq l-elementi psikosoċjali tal-MSDs tal-post tax-xogħol, eż. livell baxx ta’ sodisfazzjon tax-xogħol, domandi li jmorru kontra xulxin, ftit kontroll fuq ix-xogħol u għajnuna soċjali dgħajfa.
Dan il-proġett itejjeb il-fehim tagħna tal-konnessjonijiet bejn ir-riskji psikosoċjali u l-MSDs billi jipprovdi gwida u eżempji ta’ prattika tajba.
Telexogħol
It-telexogħol għen lin-negozji jevolvu u jissopravvivu l-pandemija tal-COVID-19, iżda poġġa lill-ħaddiema f’riskju akbar ta’ disturbi muskoloskeletali u problemi tas-saħħa mentali. F’dan il-qasam, l-EU-OSHA qed twettaq għadd ta’ attivitajiet ta’ riċerka mmirati biex jinvestigaw aktar fil-fond dan il-mod ta’ ħidma u l-implikazzjonijiet tiegħu għall-OSH mill-perspettiva tal-ħaddiema, tal-impjegaturi u ta’ dawk li jfasslu l-politika.
Ara r-rapporti ewlenin, il-pubblikazzjonijiet relatati u l-għodod prattiċi
Artikoli tal-OSHwiki:
Riżorsi settorjali u tematiċi
L-MSDs huma ta’ tħassib partikolari f’xi setturi ekonomiċi u għall-ħaddiema impjegati f’għadd ta’ okkupazzjonijiet. Twettqet riċerka biex jiġi analizzat kif l-MSDs iħalllu impatt fuq is-setturi u fuq l-okkupazzjonijiet u s-sejbiet huma ppreżentati f’artikli tematiċi u riżorsi oħra.