Il-Latvja: L-implimentazzjoni ta’ soluzzjonijiet personalizzati għall-irfigħ tqil f’kumpanija tax-xogħol tal-metall

Bil-parteċipazzjoni attiva tal-ħaddiema, il-kumpanija Latvjana tax-xogħol tal-metall SIA Silkeborg Spaantagning Baltic ħolqot post tax-xogħol sikur u ergonomiku billi identifikat, fasslet u żviluppat soluzzjonijiet prattiċi għall-immaniġġjar u l-irfigħ ta’ tagħbijiet tqal. Dawn is-soluzzjonijiet personalizzati, bħal apparat li jżomm l-għodda biex jerfa’ muturi ta’ 100 kg, naqqsu r-riskju ta’ disturbi muskoloskeletali (MSDs) u żguraw pożizzjonijiet tax-xogħol imtejba u irfigħ ergonomiku.

SIA Silkeborg Spaantagning Baltic hija waħda mir-rebbieħa tal-15-il kompetizzjoni tal-Premjijiet ta’ Prattika Tajba għal Postijiet tax-Xogħol li Jġibu ’l Quddiem is-Saħħa li tirrikonoxxi l-prevenzjoni u l-ġestjoni b’suċċess tal-MSDs.