Direttur Eżekuttiv Interim
Is-Sur William COCKBURN
William Cockburn inħatar Direttur Eżekuttiv Interim sakemm ma timtela l-kariga ta’ Direttur Eżekuttiv ġdid.
William ilu jaħdem mal-EU-OSHA mill-1998, fejn iffoka fuq l-oqsma tal-koordinazzjoni tar-riċerka, ir-riskji emerġenti u kien responsabbli mill-ewwel Stħarriġ Ewropew ta’ Intrapriżi dwar Riskji Ġodda u Emerġenti (ESENER).
William għandu lawrja ta’ Baċellerat fil-Liġi u lawrja ta’ Master fix-Xjenza fl-ergonomija (mill-Università ta’ Loughborough). Qabel ma’ ngħaqad ma’ UE-OSHA, huwa ħadem f’riċerka akkademika fejn investiga l-kultura ta’ sigurtà fil-kumpaniji u fis-settur privat bħala konsulent tal-ergonomija u maniġer tar-riċerka għal proġetti dwar is-saħħa u s-sigurtà fuq il-post tax-xogħol.
Kap tal-Unità tal-Komunikazzjoni u l-Promozzjoni
Is-Sur Andrew SMITH
Andrew ingħaqad mal-EU-OSHA fl-2000. Bħala l-Kap tal-Unità tal-Komunikazzjoni u l-Promozzjoni huwa responsabbli mill-iżvilupp u mill-implimentazzjoni ta’ strateġiji ta’ komunikazzjoni pan-Ewropej inklużi kampanji ta’ tqajjim ta' sensibilizzazzjoni u e-komunikazzjonijiet bl-involviment ta’ diversi partijiet konċernati.
Imħarreġ fix-xjenza soċjali (mill-Università ta’ Bristol), Andrew għandu aktar minn 25 sena esperjenza fil-komunikazzjonijiet. Qabel ma beda l-kariga attwali tiegħu kien qatta’ ħames snin bħala Kap tal-Informazzjoni u l-Komunikazzjoni fil-Fondazzjoni tax-Xjenza Ewropea, filwaqt li bejn l-1989 u l-1995, kien il-maniġer tal-komunikazzjonijiet għall-Kunsill tar-Riċerka Ekonomika u Soċjali tar-Renju Unit.
Kap Interim tal-Unità tal-Prevenzjoni u r-Riċerka
Is-Sjr Malgorzata Milczarek
Malgorzata Milczarek ingħaqdet mal-EU-OSHA fl-2006 bħala maniġer tal-proġetti. Ilha taħdem fl-Unità tal-Prevenzjoni u r-Riċerka fejn tiffoka fuq proġetti dwar is-saħħa mentali fuq il-post tax-xogħol, l-istress relatat max-xogħol u riskji psikosoċjali oħra bħall-vjolenza u l-fastidju. Hija wkoll responsabbli minn proġetti ewlenin dwar l-OSH f’intrapriżi mikro u żgħar.
Malgorzata għandha lawrja ta’ Master fil-Psikoloġija (Università ta’ Varsavja) u PhD (Dottorat) fil-psikoloġija tax-xogħol (Università ta’ Silesia). Qabel ma ngħaqdet mal-EU-OSHA, kienet taħdem bħala riċerkatur akkademiku fl-Istitut Ċentrali għall-Protezzjoni tax-Xogħol - L-Istitut Nazzjonali ta’ Riċerka (il-Polonja).
Kap taċ-Ċentru għar-Riżorsi u s-Servizzi
Donianzu Murgiondo