Sommarju - Teknoloġiji diġitali għall-ġestjoni tal-ħaddiema: implikazzjonijiet għas-sigurtà u s-saħħa fuq il-post tax-xogħol Studju komparattiv ta’ żewġ kumpaniji tal-karozzi fil-Belġju u fl-Italja

Is-sistemi ta’ ġestjoni tal-ħaddiema bbażati fuq l-intelliġenza artifiċjali (AIWM) jistgħu jtejbu l-produttività iżda jistgħu wkoll ikollhom impatt negattiv fuq is-sigurtà u s-saħħa tal-ħaddiema. Dan ir-rapport jippreżenta s-sejbiet ta’ analiżi komparattiva ta’ żewġ kumpaniji tal-karozzi fil-Belġju u fl-Italja.

L-eżiti tal-istudju juru li s-suċċess ta’ dawn is-sistemi jiddependi fuq il-kuntest organizzattiv u l-firxa tal-involviment tal-ħaddiema fl-adozzjoni u l-implimentazzjoni tagħhom. Sabiex jissalvagwardjaw is-sigurtà, is-saħħa u l-benesseri tal-ħaddiema, il-kumpaniji għandhom jiżviluppaw oqfsa parteċipattivi u jiżguraw li l-avvanzi teknoloġiċi jallinjaw mal-ħtiġijiet prattiċi tal-forza tax-xogħol tagħhom.