Punti ewlenin

M’hemmx lok għall-fastidju fuq il-post tax-xogħol. Dan jagħmel ħsara lis-saħħa mentali ta’ persuna, ifixkel id-dinamika tat-tim, iżid l-assenteiżmu, u jnaqqas il-produttività.

B’din l-għodda l-ġdida tal-Valutazzjoni tar-Riskju Interattiva Online (OiRA), il-kumpaniji jistgħu jieħdu passi prattiċi għal postijiet tax-xogħol ħielsa mill-fastidju.

L-għodda tiggwida lin-negozji fl-iżvilupp ta’ pjanijiet ta’ azzjoni robusti, tgħinhom jiddefinixxu mġiba inaċċettabbli, jindirizzaw il-kawżi u r-riskji ewlenin, jistabbilixxu proċeduri ta’ rapportar siguri, u jinvolvu b’mod attiv lill-ħaddiema fil-proċess.

Bla ħlas u faċli biex tintuża, l-għodda tgħin biex il-prevenzjoni tiġi inkorporata fil-prattika ta’ kuljum, filwaqt li tappoġġa postijiet tax-xogħol aktar siguri, li jġibu aktar ’il quddiem is-saħħa u li jirrispettaw lil kulħadd.

Introduċi l-għodda tal-OiRA fil-post tax-xogħol tiegħek u għin biex tiġi indirizzata din il-kwistjoni kruċjali.

L-aġenziji Ewropej jingħaqdu flimkien għal ambjent tax-xogħol rispettuż: ingħaqad mas-sejħa tal-EIGE biex jitwaqqaf il-fastidju sesswali fuq il-post tax-xogħol.

Aktar dwar il-fastidju fuq il-post tax-xogħol f’OSHwiki.