Punti ewlenin

Terz tal-ħaddiema tal-UE huma esposti għal riskji relatati mat-tibdil fil-klima ─ bħas-sħana estrema, avvenimenti estremi tat-temp jew kwalità ħażina tal-arja, skont l-aħħar Stħarriġ tal-OSH Pulse 2025 tal-EU-OSHA.  

Fl-istess stħarriġ, 37 % jirrapportaw għeja ġenerali, u 29 % jgħidu li jesperjenzaw stress, dipressjoni jew ansjetà; 44 % isemmu pressjonijiet severi relatati mal-ammont ta’ xogħol. L-OSH Pulse 2025 jindirizza wkoll it-teknoloġiji diġitali u r-riskji assoċjati għas-sigurtà u s-saħħa tal-ħaddiema. 

Infografiċi ġodda dwar it-tibdil fil-klima, ir-riskji psikosoċjali u s-saħħa mentali, u d-diġitalizzazzjoni jagħtu ħarsa ġenerali ta’ malajr lejn is-sejbiet ewlenin. 

Żewġ skedi informattivi tal-pajjiżi ─ wieħed dwar it-tibdil fil-klima u s-saħħa mentali, l-ieħor dwar it-teknoloġiji diġitali ─ joffru data nazzjonali dettaljata biex jiġu appoġġati postijiet tax-xogħol li jġibu ’l quddiem is-saħħa lesti għall-futur. Agħtihom daqqa t’għajn!

Aqra l-istqarrija għall-istampa

Niżżel ir-rapport sħiħ jew is-sommarju

Aktar informazzjoni dwar l-OSH Pulse 2025