Fl-istħarriġ tagħna, aħna niffukaw primarjament fuq l-opinjonijiet tal-ħaddiema. Aħna kapaċi niksbu dejta kredibbli, minn madwar l-Ewropa dwar l-opinjoni pubblika dwar is-saħħa u s-sigurtà okkupazzjonali (OSH).
Bis-sehem tagħhom fl-istħarriġ in-nies jibdew jaħsbu, u dan jgħin fis-sensibilizzazzjoni dwar kwistjonijiet tal-OSH. Ir-riżultati jenfasizzaw l-importanza ta’ OSH tajba u r-rwol tagħha fis-saħħa pubblika u fin-negozji ta’ suċċess. Bit-twettiq tal-istħarriġ madwar l-Ewropa kollha, ikunu qed jitqiesu l-opinjonijiet dwar l-OSH ta’ varjetà wiesgħa ta’ nies. Ir-riżultati jgħinuna nifhmu d-differenzi bejn il-fehmiet ta’ nies ta’ etajiet, ġeneri, livelli edukattivi, setturi, daqsijiet ta’ kumpaniji, eċċ. differenti.
L-istħarriġ jista’ jkun utli wkoll biex jiġu identifikati riskji ġodda u emerġenti li għandha ssir riċerka dwarhom. Idealment, l-istħarriġ fil-ġejjieni jgħin biex jiġu esplorati suġġetti ewlenin u biex jiġu appoġġjati Kampanji futuri dwar il-Postijiet tax-Xogħol li jġibu ’l quddiem is-Saħħa.
Għanijiet
L-istħarriġ isir biex:
- Jappoġġja l-pjanijiet ta’ ġestjoni annwali tal-EU-OSHA
- Jipprovdi għarfien ta’ valur dwar il-fehmiet tal-ħaddiema
- Joħloq sensibilizzazzjoni dwar l-OSH fl-Ewropa kollha u dwar ir-rabta bejn l-OSH u s-saħħa
- Jinkoraġġixxi d-dibattitu dwar l-OSH
- Jipprovdi dejta nazzjonali utli għall-punti fokali u jsaħħaħ il-kollaborazzjonijiet
- Jgħolli l-profil tal-OSH fil-midja
Ir-riżultati tal-istħarriġ tal-opinjoni tagħna jistgħu jistimulaw id-dibattitu u d-diskussjoni fuq il-post tax-xogħol, kif ukoll jinfurmaw lil dawk li jfasslu l-politika fuq livelli nazzjonali u tal-UE.
Stħarriġ preċedenti
Diversi stħarriġ tal-opinjoni li twettqu sal-lum jappoġġjaw l-għanijiet tal-OSH tal-Unjoni Ewropea inkluż:
- Iż-żieda fis-sensibilizzazzjoni u l-għarfien tal-ħaddiema dwar l-OSH
- Il-provvista ta’ informazzjoni dwar l-adattament għal popolazzjoni ta’ ħaddiema li qed tikber fl-età
- Il-promozzjoni għall-prevenzjoni ta’ riskji, kemm fuq il-post tax-xogħol kif ukoll lil hinn
- Iż-żieda fir-rikonoxximent tal-istress relatat max-xogħol bħala kwistjoni organizzazzjonali
Ara r-riżultati tal-istħarriġ preċedenti tagħna:
Sorsi oħra Ewropej rilevanti
Għal stampa iżjed sħiħa tal-opinjoni pubblika dwar l-OSH, agħti ħarsa lejn dawn is-sorsi tal-informazzjoni addizzjonali:
- Stħarriġ tal-Eurofound
- Statistika dwar is-saħħa mill-EUROSTAT (Kummissjoni Ewropea)
- Stħarriġ tal-Eurogip
- Stħarriġ tal-Ewrobarometru mill-Kummissjoni Ewropea