OSH Pulse - Is-sikurezza u s-saħħa okkupazzjonali fil-postijiet tax-xogħol wara l-pandemija

Dan ir-rapport jippreżenta r-riżultati ta’ stħarriġ “Flash Ewrobarometru — OSH Pulse” ikkummissjonat mill-EU-OSHA bil-għan li tinkiseb informazzjoni intuwittiva dwar l-istat tas-saħħa u s-sikurezza okkupazzjonali (OSH) fil-postijiet tax-xogħol wara l-pandemija.

Kampjun rappreżentattiv ta’ aktar minn 27 000 ħaddiem impjegat ġie intervistat f’April u f’Mejju 2022 fil-pajjiżi kollha tal-UE, flimkien mal-Iżlanda u n-Norveġja. Huma ġew mistoqsija dwar l-istress mentali u fiżiku li jiffaċċjaw u l-importanza tal-miżuri tal-OSH fil-post tax-xogħol tagħhom.

L-istħarriġ staqsa wkoll dwar l-użu ta’ teknoloġiji diġitali relatati max-xogħol u l-impatt tagħhom fuq il-benesseri tal-ħaddiema.