Danmörk — starfsánægja á öllum aldri: stefna um eldri starfsmenn í kirkjugörðum

Kirkjugarðar Roskilde, sem samanstanda af þremur kirkjugörðum og einu líkbrennsluhúsi, hafa 32 manns í vinnu, þar af 9 sem eru eldri en 45 ára og sem fyrirtækið flokkar sem „eldri“. Stefna fyrirtækisins um eldri starfsmenn var sett árið 2007 af vinnuhópi innan fyrirtækisins með aðstoð utanaðkomandi ráðgjafa, í samræmi við ætlun fyrirtækisins um að halda í eldri starfsmenn. Fimm hópar með yngri og eldri starfsmönnum, viðtöl við einstaka stjórnendur, starfsmannakannanir og athuganir ráðgjafa skiluðu ýmsum ábendingum. Þær voru aðlagaðar að stefnu og menningu fyrirtækisins og því næst komið á framfæri til starfsmanna. Stefna um eldri starfsmenn gildir um þá sem eru eldri en 45 ára og felur í sér almenn kjör á borð við fleiri fjarvistadaga vegna fjölskylduumönnunar og regluleg viðtöl um sjálfsmat á vinnugetu. Á meðal sértækra aðgerða voru stytting vinnutíma án áhrifa á lífeyri, víxlun verkefna og aðlögun verka. Á meðal þátta sem skiluðu árangri voru samstarf við utanaðkomandi sérfræðinga, kerfisbundin nálgun og vægi fyrir alla starfsmenn. Þessi þarfatengda nálgun getur átt við um aðra vinnustaði og sértæku aðgerðirnar eiga við um kirkjugarða.