Punti ewlenin

Iż-żieda f’daqqa fit-telexogħol mid-dar matul il-pandemija tal-COVID-19 poġġiet lill-ħaddiema f’riskju akbar ta’ disturbi muskoloskeletali u problemi ta’ saħħa mentali.

Rapport ġdid iħares lejn dawn ir-riskji, il-benefiċċji u l-problemi li jinħolqu mit-telexogħol, u r-regolamenti tal-UE fis-seħħ għall-protezzjoni tal-ħaddiema. Dan jintwera b’eżempji minn setturi differenti f’diversi pajjiżi ta’ prattiki tajba ta’ telexogħol adottati matul il-pandemija u jenfasizza l-importanza tal-valutazzjoni tar-riskju.

Barra minn hekk, artiklu ġdid tal-OSHwiki — mimli b’informazzjoni dwar it-telexogħol u r-riskji fiżiċi u psikosoċjali assoċjati — jipprovdi gwida faċli biex tiġi segwita dwar kif jiġu protetti l-ħaddiema.

Aqra r-rapport Telexogħol matul il-pandemija tal-COVID-19: riskji u strateġiji ta’ prevenzjoni

Iċċekkja l-artiklu l-ġdid tal-OSHwiki dwar id-disturbi muskoloskeletali u t-telexogħol

Ikkonsulta dan l-artiklu l-ieħor tal-OSHwiki u segwi l-pariri prattiċi tagħna biex it-telexogħol isir b’saħħtu, sikur u effettiv kemm jista’ jkun

Niżżel il-preżentazzjonijiet mill-webinar tagħna dwar it-telexogħol f’pandemija globali: ħarsa ġenerali lejn ir-riskji u l-politiki ta’ prevenzjoni fl-Ewropa