Punti ewlenin

Kważi nofs (45 %) il-ħaddiema fl-UE jiffaċċjaw riskji għas-saħħa mentali tagħhom fuq il-post tax-xogħol. Hemm bżonn ta’ azzjoni. Illum fi Brussell, l-EU-OSHA qed tniedi l-kampanja tagħha fl-UE kollha Il-Kampanja għal Postijiet tax-Xogħol Siguri 2026-28: flimkien għas-saħħa mentali fuq ix-xogħol biex tgħin lill-impjegaturi jipprevjenu, jivvalutaw u jimmaniġġjaw ir-riskji psikosoċjali fuq il-post tax-xogħol.

Fl-okkażjoni tat-tnedija, kelliema distinti, inkluż Roxana Mînzatu, il-Viċi President Eżekuttiv tal-Kummissjoni Ewropea għad-Drittijiet Soċjali u l-Ħiliet, l-Impjiegi ta’ Kwalità u l-Preparatezza, u William Cockburn, id-Direttur Eżekuttiv tal-EU-OSHA, se jiddiskutu l-aġenda Ewropea għas-saħħa mentali fuq ix-xogħol.

Biex issir taf aktar dwar it-tnedija u l-ħames prijoritajiet tal-kampanja:

• aqra l-istqarrija għall-istampa;
• żur is-sit web multilingwi tagħna; u
• segwi #EUhealthyworkplaces fuq LinkedIn, Facebook u Bluesky