Punti ewlenin

Wishful Filming, dirett minn Sarah Vanagt, rebaħ il-Premju tal-Films dwar Postijiet tax-Xogħol li Jġibu ’l Quddiem is-Saħħa ta’ din is-sena għall-aħjar dokumentarju relatat max-xogħol. It-tieni film, “The Long Road to the Director’s Chair ta’ Vibeke Løkkeberg irċieva rikonoxximent onorevoli.

Meta tat l-ewwel premju, il-ġurija qalet li Wishful Filming iġiegħel lil dak li jkun jirrifletti dwar xi jfisser li taħdem u li tkun ħaddiem, u juri s-setgħa li jkollok idea brillanti fiċ-ċinema. Sadanittant, The Long Road to the Director’s Chair jiffoka fuq il-vjaġġ tan-nisa li ġġieldu biex jiżguraw posthom fuq il-post tax-xogħol, b’mod partikolari fiċ-ċinematografija u fil-media.

Ippreżentat mill-EU-OSHA fil-festival ta’ Doclisboa, il-premju jonora films li jitfgħu dawl fuq id-dinja tax-xogħol li qed tinbidel u n-nies fil-qalba tagħha.

Tgħallem aktar dwar il-Premju tal-Films għall-Postijiet tax-Xogħol li Jġibu’ l Quddiem is-Saħħa u r-rebbieħa tal-2025