Ċentru ta’ kontroll intelliġenti tal-OSH: sistemi diġitali intelliġenti għat-titjib tas-sikurezza u s-saħħa tal-ħaddiema

Dan l-istudju tal-każ jivvaluta ċentru ta’ komunikazzjoni u analiżi tad-data multidimensjonali li jirreġistra informazzjoni rilevanti għall-OSH, bħall-ispezzjonijiet (interni), l-awditi, l-inċidenti u l-fatturi esterni għall-ġestjoni proattiva u reattiva tas-sikurezza u l-benesseri tal-ħaddiema. Is-sistema hija kapaċi timmonitorja l-informazzjoni tal-OSH f’ħin reali għal siti remoti li jinsabu f’pajjiżi differenti u hija kkoordinata minn unità ċentralizzata għas-sikurezza u s-saħħa. L-implimentazzjoni ġġib magħha sfidi iżda ladarba tingħeleb, meta tintuża b’mod effettiv tista’ ttejjeb b’mod sinifikanti l-OSH.

Hija waħda mis-sistemi diġitali intelliġenti mfassla għat-titjib tas-sikurezza u s-saħħa okkupazzjonali (OSH) għall-ħaddiema f’oqsma bħall-kostruzzjoni, il-minjieri u l-manifattura. Dan l-istudju tal-każ huwa parti mill-Ħarsa Ġenerali dwar l-OSH (2020-2023), li tesplora l-isfidi u l-opportunitajiet ta’ dan it-tip ta’ teknoloġija ġdida.