In-Norveġja — Miżuri ta' politika f'livell għoli fl-Isptar St. Olav

L-isptar St. Olav's jimpjega 9,726 persuna, li 2,000 minnhom għandhom aktar minn 55 sena. L-ispejjeż tal-irtirar kmieni huma għoljin u l-isptar jixtieq iżomm ħaddiema b'esperjenza. Filwaqt li m'hemm l-ebda rekwiżit legali, St. Olav's żviluppa politika għall-persuni akbar fl-età fi sħubija mat-trade unions u l-konsulenti esterni tiegħu. Mill-età ta' 55 sena, l-impjegati huma offruti miżuri li jinkludu liv addizzjonali ("jiem għal persuni akbar fl-età"), taħriġ u seminars, informazzjoni dwar il-pensjoni, il-mentoring tal-koħaddiema u diskussjonijiet tal-kapaċità għax-xogħol matul l-evalwazzjonijiet. Ħaddiema avvanzati fl-età jkomplu jkollhom aċċess għal liv minħabba t-taħriġ, l-edukazzjoni u l-għoti ta' pariri dwar il-karriera. Fl-evalwazzjoni tiegħu, l-Istitut tar-Riċerka tax-Xogħol sab li l-età medja tal-irtirar żdiedet b'sitt xhur u li kien hemm livelli għoljin ta' sodisfazzjon fl-impjiegi. Ħaddiema avvanzati fl-età rrappurtaw li l-fatturi tal-akbar valur huma ġranet żejda ta' liv u programmi ta' żvilupp. Hemm bżonn ta' titjib fit-taħriġ amministrattiv, fl-iskambju tal-esperjenza u fil-programmi ta' żvilupp. St. Olav ġie rikonoxxut fuq livell nazzjonali għall-poltika tal-anzjanità tiegħu (2011). Fatturi ta' suċċess jinkludu l-impenn mill-maniġment superjuri, l-involviment tal-parti kkonċernata, teħid tad-deċiżjonijiet flessibbli u fokus fit-tul. Il-politika hija trasferibbli, inkluż għal organizzazzjonijiet iżgħar, b'modifiki.