In-Netherlands — Ċertifikazzjoni ta' "esperti b'esperjenza": servizzi ta' kowċing rigward ir-ritorn għax-xogħol għal persuni b'mard kroniku minn persuni b'mard kroniku

Centre for Chronic Illness and Work (CCZW, Ċentru għall-Mard Kroniku u x-Xogħol) huwa fi sħab ma' seba' organizzazzjonijiet nazzjonali tal-pazjenti (li kull waħda minnhom tiffoka fuq kundizzjoni kronika bħal fibromijalġija, sklerożi multipla, rewmatiżmu) biex iħarreġ persuni b'mard kroniku bi kwalifiki ta' konsulenza/coaching diġà eżistenti biex isiru "esperti b'esperjenza" permezz ta' programm ta' taħriġ li jdum minn sitta sa disa' xhur. Ladarba jiksbu ċertifikat, dawn il-kowċis jappoġġjaw lill-pazjenti biex jindirizzaw il-marda tagħhom u/jew jirritornaw għax-xogħol. Sa mill-2014, tħarrġu 10 kowċis, b'14 oħra għadhom qegħdin jieħdu t-taħriġ. Is-servizz huwa promoss mis-CCZW u mill-organizzazzjonijiet tal-pazjenti, u l-kowċis huma rimborżati għall-ħin tagħhom minn impjegaturi, assiguraturi tal-impjegati jew individwi. Inizjattivi preċedenti simili sabu li 28 % tal-utenti tas-servizz reġgħu integraw b'suċċess fil-post tax-xogħol, b'10 % oħra jsibu xogħol volontarju. Fatturi ta' suċċess jinkludu approċċ ta' appoġġ bejn il-pari u sħubija ma' organizzazzjonijiet tal-pazjenti. Sfidi jinkludu l-inċertezza tal-finanzjament u l-ġestjoni tad-domanda għal servizzi. Dan il-mudell huwa trasferibbli, b'mod partikolari fejn diġà jeżistu aġenziji simili ta' integrazzjoni mill-ġdid jew servizzi ta' appoġġ.