Is-saħħa muskoloskeletali tal-parrukkiera

Dan l-artiklu huwa wieħed f’sensiela ta’ dokumenti ta’ diskussjoni li jħarsu lejn setturi li għandhom prevalenza għolja ta’ mard muskoloskeletali (MSDs). Dan jippreżenta sommarju tas-sejbiet ta’ rieżami li sar bħala parti mill-proġett ergoHair, li għandu l-għan li jippromwovi ambjent tax-xogħol sigur u li jġib ’il quddiem is-saħħa fis-settur tal-kura tax-xagħar.

L-artiklu jirrieżamina l-evidenza u jikkonkludi li diversi kompiti u aspetti tax-xogħol tal-parrukkiera jpoġġuhom f’riskju sinifikanti li jiżviluppaw MSDs. Xi wħud ikollhom iħallu l-professjoni kmieni minħabba l-effetti negattivi tax-xogħol tagħhom fuq saħħithom. L-awturi jissuġġerixxu miżuri li jistgħu jnaqqsu r-riskji tal-parrukkiera li jiżviluppaw MSDs u l-oqsma għal ħidma futura.