Inizjattiva għall-prevenzjoni tal-eżawriment f’diversi pajjiżi bbażata fuq il-mentoraġġ u t-taħriġ – il-każ ta’ PROCARE

Dan l-istudju tal-każ jippreżenta l-proġett “PROCARE” implimentat f’sitt pajjiżi tal-UE għall-indokraturi tal-kura fit-tul (LTC, long-term care) biex jipprevjenu u jimmaniġġjaw l-eżawriment. Imfassla għas-settur tal-indokraturi tal-kura fit-tul, il-Metodoloġija tat-Twettiq tal-Mentoraġġ, il-Kors ta’ Taħriġ tal-Mentoraġġ u l-Ittestjar Pilota kienu ta’ benefiċċju kemm għall-għalliema kif ukoll għall-istudenti.

Il-programm għen biex jittejbu l-ħiliet tal-indukrar u l-maniġers indikaw il-potenzjal trasformattiv pożittiv tiegħu għall-unitajiet tal-indokraturi tal-kura fit-tul. Sabiex jiżdied il-potenzjal tat-trasferibbiltà, il-ħiliet personali relatati jeħtieġ li jiġu żviluppati aktar fil-pajjiżi pilota u tinħoloq aktar sensibilizzazzjoni fost il-maniġers u l-indokraturi.