Il-Ġermanja — "Off the Back": iż-żamma ta' ħaddiema avvanzati fl-età f'kumpanija żgħira tat-tisqif

Intrapriża żgħira tat-tisqif ta' Plenker, bi sħubija mal-Università tax-Xjenza Applikata tar-Renu t'Isfel u l-Istitut Fraunhofer għall-Organizzazzjoni tax-Xogħol, implimentat miżuri ta' prevenzjoni għall-problemi muskuloskeletali għall-ħaddiema biex iżżommhom fl-impjieg għal żmien itwal. Sitt xhur ta' analiżi tal-attività mir-riċerkaturi tal-Università fil-post tax-xogħol ta' Plenker ġew segwiti mill-identifikazzjoni ta' miżuri biex jitnaqqas ix-xogħol estensiv. Dawn jinkludu għajnuniet mobbli ta' rfigħ, għajnuniet tat-trasport u l-użu ta' protezzjoni għall-irkopptejn. L-impjegati rċevew ukoll taħriġ bażiku relatat mal-uffiċċju — titjib tal-ħiliet li ppermetta lill-ħaddiema jittrasferixxu ruħhom għal xogħol eħfef meta jkun meħtieġ. Fatturi ta' suċċess inkludew il-monitoraġġ konsistenti mis-sid tal-kumpanija u l-input minn esperti esterni. L-isfida l-aktar sinifikanti kienet il-bidla fl-imġiba tal-impjegati. Approċċ simili jista' jiġi segwit għal kwalunkwe ambjent tax-xogħol li jinvolvi xogħol fiżiku estensiv. Filwaqt li l-impjegati jistgħu jiġu mħarrġa faċilment fix-xogħol relatat mal-uffiċċju, il-provvediment ta' opportunitajiet ta' trasferiment jista' jkun aktar problematiku f'kumpaniji aktar strutturati.