Franza — Approċċ komprensiv għall-benesseri ta' ħaddiema avvanzati fl-età f'Solystic

Solystic tispeċjalizza fit-tqassim postali u fit-tagħmir ta' distribuzzjoni, filwaqt li timpjega 450 persuna. Mill-forza tax-xogħol kollha, 58 % għandhom aktar minn 45 sena u 37 % kienu impjegati mill-kumpanija għal 20 sena jew aktar. Il-leġiżlazzjoni Franċiża kienet teħtieġ li fl-2009, Solystic tinnegozja ftehim mal-isħab soċjali biex jiġi promoss l-impjieg ta' ħaddiema avvanzati fl-età. F'konformità mas-sitt prijoritajiet tal-gvern, dan inkluda valutazzjonijiet ergonimiċi annwali, ippjanar individwali tal-karrieri għal dawk li għandhom aktar minn 45 sena, il-flessibbiltà tal-ħin tax-xogħol (inkluż il-protezzjoni tad-drittijiet tal-pensjoni jekk jitnaqqsu l-ħinijiet tax-xogħol) u l-ġestjoni ta' tranżizzjonijiet tal-irtirar. Bħala riżultat, l-assenza minħabba l-mard naqset u bħala medja, ir-rati ta' inċidenti okkupazzjonali kull sena fost il-ħaddiema avvanzati fl-età, naqsu. Il-ftehim jiġi evalwat u adattat kull sena. Fatturi ta' suċċess jinkludu l-bażi leġiżlattiva, li timmira l-interventi bikrija ta' dawk li għandhom minn 45 sena u l-evalwazzjoni u l-monitoraġġ konsistenti. Il-kunċett huwa trasferibbli u n-negozjar ta' ftehimiet fil-mira huwa replikabbli, b'mod partikolari għal pajjiżi b'sistemi tal-isħab soċjali.