Aġenti bijoloġiċi u mard relatat max-xogħol assoċjat f’okkupazzjonijiet li jinvolvu l-ivvjaġġar u l-kuntatt ma’ vjaġġaturi

Riċerka ġdida mwettqa bħala parti minn proġett kbir biex tindirizza d-diskrepanza fl-għarfien dwar aġenti bijoloġiċi fil-post tax-xogħol turi li l-ħaddiema f’okkupazzjonijiet li jinvolvu l-ivvjaġġar jew kuntatt ma’ vjaġġaturi — inklużi dawk li jivvjaġġaw bejn il-fruntieri nazzjonali u dawk li jaħdmu ma’ migranti u refuġjati — huma f’riskju partikolari ta’ esponiment għal aġenti bijoloġiċi.

Dan id-dokument ta’ diskussjoni jagħti ħarsa lejn il-firxa wiesgħa ta’ okkupazzjonijiet f’dan is-settur u lejn il-mod kif dawn ivarjaw b’mod konsiderevoli fil-livelli ta’ esponiment tagħhom. Dan jiddiskuti l-effetti relatati mas-saħħa, ir-riskji emerġenti u dawk il-gruppi li huma partikolarment vulnerabbli. Bl-użu ta’ informazzjoni minn intervisti ma’ esperti u ma’ gruppi ta’ fokus, huwa jenfasizza wkoll in-nuqqas ta’ miżuri mmirati u jiddeskrivi l-ħtieġa għal approċċ aktar armonizzat għall-prevenzjoni.