Sommarju - Kif l-ispettorati tax-xogħol u s-servizzi tal-prevenzjoni jikkontribwixxu għall-konformità mar-regolamenti tas-saħħa u s-sigurtà fuq il-post tax-xogħol

Fil-parti finali tal-proġett ġenerali dwar is-saħħa u s-sigurtà fuq il-post tax-xogħol (OSH, occupational safety and health) “Appoġġ għall-Konformità”, dan ir-rapport jeżamina kif l-ispettorati tax-xogħol u s-servizzi tal-prevenzjoni f’ħames pajjiżi jikkontribwixxu b’mod effettiv biex jippromwovu l-konformità mal-OSH.

Ir-riċerka kwalitattiva u l-intervisti juru li l-innovazzjoni fid-diġitalizzazzjoni, fil-kollaborazzjoni u fil-bini tal-kapaċitajiet hija essenzjali biex jiġu indirizzati l-isfidi kurrenti tal-OSH. Ir-rapport jenfasizza oqsma bħat-titjib tal-politika, tas-sistemi tad-data, tal-bini tal-kapaċitajiet u tal-prevenzjoni, kif ukoll l-estensjoni tal-miżuri għal gruppi ta’ ħaddiema vulnerabbli.