Valutazzjoni tar-riskju bl-użu ta’ OiRA fuq il-postijiet tax-xogħol Litwani — studju kwalitattiv

Dan ir-rapport jippreżenta s-sejbiet dwar l-użu u l-effettività tal-Valutazzjoni tar-Riskju Interattiva Online (OiRA) fuq il-postijiet tax-xogħol fil-Litwanja.

L-OiRA hija meqjusa mill-utenti Litwani bħala utli ħafna biex tappoġġahom fil-proċess tal-valutazzjoni tar-riskju. L-applikazzjoni ġiet apprezzata għall-fatt li hija mingħajr ħlas kif ukoll għall-appoġġ għat-tranżizzjoni minn valutazzjonijiet tar-riskju esterni għal dawk interni.

Ir-rapport juri modi diversi kif tista’ tuża l-OiRA, bħala għodda awtonoma jew bħala għodda ta’ għoti ta’ informazzjoni komplementari biex tappoġġa lill-kumpaniji bl-għarfien. Fiż-żewġ każijiet, il-kumpaniji huma motivati biex jużaw l-għodod tal-OiRA. L-oqsma fejn jista’ jsir titjib biex jitwettaq użu aktar mifrux tal-OiRA fil-Litwanja jinkludu kwistjonijiet tekniċi, il-ħtieġa għal aktar appoġġ u taħriġ, u kopertura aktar speċifika għas-settur u speċifika għas-suġġett.