Disturbi muskoloskeletali fil-ħaddiema bi sklerożi multipla: perspettiva orjentata lejn il-kompitu

Id-disturbi muskoloskeletali (MSDs) u l-kawżi tagħhom fl-isklerożi multipla (MS) mhumiex mifhuma sew, iżda għandhom effett fuq il-kwalità tal-ħajja ta’ persuni bl-MS. L-impatt tal-MS jestendi għall-kapaċità tal-pazjenti li jaħdmu, bl-impjegabbiltà mnaqqsa meqjusa bħala l-aktar konsegwenza soċjali importanti.

Dan id-dokument jestendi l-għarfien dwar l-MSDs fl-MS u l-effett tagħhom fuq l-attivitajiet tax-xogħol ta’ dawk affettwati. Il-kundizzjonijiet tax-xogħol u l-ambjent ta’ persuni bl-MS spiss jeħtieġ li jiġu adattati għall-istatus tas-saħħa tagħhom, peress li l-fatturi relatati max-xogħol, l-appoġġ u s-sintomi jaffettwaw il-kapaċità li wieħed jikseb u jżomm impjieg.

Id-dokument jenfasizza l-aspetti pożittivi ta’ approċċ multidixxiplinari għall-intervent u r-rwol tat-terapija okkupazzjonali. Dan jelabora dwar l-għoti tas-setgħa permezz tat-taħriġ, speċjalment għall-professjonisti tas-sikurezza u s-saħħa okkupazzjonali tal-kumpaniji, u l-mezzi biex jiġu identifikati u introdotti akkomodazzjonijiet raġonevoli li jistgħu jippermettu lill-persuni b’diżabilità jsibu u jżommu impjieg.