“Għall-ħaddiema fil-qasam tas-saħħa u tal-bżonnijiet soċjali ħielsa minn disturbi muskoloskeletali” – kampanja ta’ sensibilizzazzjoni

Dan l-istudju tal-każ jippreżenta l-iżvilupp u l-implimentazzjoni ta’ kampanja ta’ sensibilizzazzjoni mnedija mill-Istitut Nazzjonali Spanjol għas-Sigurtà u s-Saħħa fuq il-Post tax-Xogħol (INSST) fl-2022, taħt il-koordinazzjoni tal-grupp tal-MSDs tal-Kummissjoni Nazzjonali għas-Sigurtà u s-Saħħa fuq il-Post tax-Xogħol (CNSST).

Il-kampanja, li użat diversi kanali tal-media, kellha fil-mira s-settur tal-kura residenzjali u ppromwoviet prattiki preventivi, tejbet it-trattament tal-pazjenti u rawmet ambjenti tax-xogħol aktar siguri. Dan l-istudju tal-każ jesplora l-iżvilupp, l-implimentazzjoni u l-impatt tal-kampanja kif ukoll it-trasferibbiltà tagħha lejn Stati Membri u setturi oħra tal-UE.