Intervent bikri u adattamenti għal problemi muskoloskeletali fil-parti ta' fuq tal-ġisem — riċerka u xogħol ta’ dħul ta’ data

Dan l-istudju ta’ każ jenfasizza l-importanza ta’ approċċ multidixxiplinarju biex jiġu indirizzati d-disturbi muskoloskeletali fuq il-post tax-xogħol.

Riċerkatriċi li tbati minn uġigħ fil-polz u titrix f’subgħajha setgħet iżżomm l-impjieg tagħha grazzi għall-appoġġ li rċeviet mingħand il-maniġer dirett tagħha, mid-dipartiment tar-riżorsi umani, minn ergonomisti interni, minn tabib fuq il-post tax-xogħol u mingħand il-prattikant ġenerali tagħha.

Intervent bikri (minkejja n-nuqqas ta’ dijanjożi definittiva) ibbażat fuq valutazzjoni tar-riskju u l-esperimentazzjoni b’tagħmir ġdid ikkontribbwixxew biex itaffulha l-iskomfort u jiġi evitat li s-sintomi jaggravaw.