Rapport Annwali Konsolidat tal-Attività (CAAR) tal-Aġenzija Ewropea għas-Sigurtà u s-Saħħa fuq il-Post tax-Xogħol (EU-OSHA) 2023

Kull sena finanzjarja, id-Direttur Eżekuttiv tal-EU-OSHA jirrapporta dwar il-ħidma tal-aġenzija permezz tar-Rapport Annwali Konsolidat tal-Attività. Dan jinkludi l-kisbiet ewlenin tal-aġenzija, l-għoti ta’ rendikont tat-twettiq tal-objettivi ewlenin u l-implimentazzjoni tal-attivitajiet deskritti fil-programm ta’ ħidma annwali, kif ukoll il-konsum tar-riżorsi. Il-pubblikazzjoni sservi wkoll bħala r-rapport amministrattiv tad-Direttur Eżekuttiv u tinkludi aspetti bħall-implimentazzjoni tal-qafas ta’ kontroll intern u s-segwitu għall-awditi interni u esterni. Il-Bord ta’ Tmexxija tal-EU-OSHA jadotta r-rapport u jipprovdi analiżi u valutazzjoni, li huma kontribut importanti għall-proċedura ta’ kwittanza.