Xejriet xprunati mill-klima li jinfluwenzaw is-saħħa u s-sigurtà fuq il-post tax-xogħol fil-futur

L-istudju ta’ prospettiva tal-EU-OSHA jiddiskuti l-iżviluppi u l-kriżijiet relatati mat-tibdil fil-klima li jista’ jkollhom effetti kaskata matul l-10 snin sa 25 sena li ġejjin. Din in-nota ta’ politika tiddeskrivi l-fatturi u x-xejriet ewlenin influwenzati mit-tibdil fil-klima li għandhom impatt fuq is-saħħa u s-sigurtà fuq il-post tax-xogħol u d-dinja tax-xogħol.

Ix-xejriet jinkludu l-adattament kif ukoll l-istrateġiji ta’ mitigazzjoni sabiex jiġu indirizzati t-tibdil fil-klima, l-awtomatizzazzjoni u l-użu tat-teknoloġija, l-ekonomija ċirkolari, l-instabbiltà ekonomika, il-migrazzjoni xprunata mill-klima, materjali ġodda, u d-disparitajiet soċjali u tal-ġid.