Spanja: L-introduzzjoni ta’ soluzzjonijiet tekniċi f’kumpanija tal-produzzjoni tal-laħam għall-prevenzjoni ta’ disturbi muskoloskeletali

Il-produzzjoni tal-koxox tal-majjal fil-kumpanija tal-laħam Spanjola, Elaborados Julián Mairal, hija proċess li jinvolvi sforz fiżiku konsiderevoli mill-ħaddiema tagħha. Għall-prevenzjoni tad-disturbi muskoloskeletali (MSDs), il-maniġers u l-impjegati kkonsultaw servizz ta’ prevenzjoni estern. Dan irriżulta fl-installazzjoni ta’ tagħmir ġdid għall-proċess tal-produzzjoni. L-impjegati issa jaħdmu b’mod aktar effiċjenti u sigur. Elaborados Julián Mairal hija waħda mill-eżempji mfaħħra tal-15-il kompetizzjoni tal-Premjijiet ta’ Prattika Tajba tal-Postijiet tax-Xogħol li Jġibu ’l Quddiem is-Saħħa, li tirrikonoxxi l-prevenzjoni u l-ġestjoni b’suċċess tal-MSDs.