Valutazzjoni tar-riskju ta’ mard muskoloskeletali tad-dirgħajn fl-agrikoltura: esperjenzi mqabbla

Dan id-dokument ta’ diskussjoni jħares lejn il-prevalenza ta’ mard muskoloskeletali (MSDs) fis-settur agrikolu fl-UE b’mod ġenerali u fl-Italja b’mod partikolari. L-MSDs huma mard okkupazzjonali l-aktar komuni: il-problemi tan-naħa ta’ isfel tad-dahar u l-problemi tad-dirgħajn huma partikolarment prevalenti. Il-fatturi maġġuri li jikkontribwixxu għall-MSDs tad-dirgħajn relatati max-xogħol jinkludu movimenti repetittivi, pożizzjonijiet skomdi u l-isforz b’qawwa.

Id-dokument jiddeskrivi xi attivitajiet li saru minn INAIL-CONTARP ( l-Istitut Nazzjonali Taljan għall-Assigurazzjoni kontra l-Korrimenti fuq ix-Xogħol - Dipartiment konsultattiv għall-valutazzjoni tar-riskju u l-prevenzjoni), immirat lejn l-istandardizzazzjoni tal-valutazzjoni ta’ riskji bijomekkaniċi permezz tal-lista ta’ kontroll OCRA. Jiddeskrivi wkoll applikazzjoni web li tgħin biex tiġi rikonoxxuta l-preżenza tar-riskju minħabba movimenti ripetittivi tad-dirgħajn; jikkonkludi li dawn l-attivitajiet huma applikabbli għal Stati Membri oħra tal-UE.