Franza: L-eliminazzjoni ta’ solventi perikolużi mill-analiżi tal-materjal irreklamat fis-settur tat-tiswija tat-toroq u l-kostruzzjoni

Eiffage Infrastructures hija involuta fil-kostruzzjoni u l-manutenzjoni tat-toroq fi Franza. It-tekniċi tal-laboratorju tal-kumpanija janalizzaw għadd kbir ta’ kampjuni ta’ asfalt minn 35 miljun tunnellata ta’ asfalt irreklamat kull sena minn toroq fil-pajjiż kollu biex jiddeterminaw jekk jistax jerġa’ jintuża. Sa ftit ilu, din l-analiżi kienet tinvolvi l-użu ta’ solvent organiku kklassifikat bħala karċinoġeniku, mutaġeniku u reprotossiku, u li b’hekk kien potenzjalment ipoġġi eluf ta’ ħaddiema f’riskju.

Il-metodu innovattiv ta’ Analysis Safe żviluppat u adottat mill-kumpanija jelimina kompletament l-użu ta’ solventi organiċi u huwa aktar rapidu biex jintuża, u b’hekk jipproteġi s-saħħa tal-ħaddiem u l-ambjent, u jiffranka l-ħin, il-flus u r-riżorsi.