Taħriġ liż-żgħażagħ dwar il-ħidma sigura bil-kimiki

Dan l-istudju tal-każ ta' programm ta’ taħriġ fil-Ġermanja juri li skejjel u intrapriżi jistgħu jaħdmu flimkien biex ikun hemm sensibilizzazzjoni fost iż-żgħażagħ dwar is-saħħa u s-sigurtà fuq il-post tax-xogħol (OSH). Fl-eżempju studjat, fuq l-inizjattiva ta’ għalliem, skola u kumpanija kimika f'Hamburg ikkollaboraw fuq tagħlim għall-istudenti dwar il-produzzjoni sigura tal-plastik u l-immaniġġjar sigur ta’ kimiki fil-laboratorju. L-istudenti saru aktar konxji dwar il-prattiki OSH, l-għalliema saru aktar entużjasti dwar it-tagħlim tal-OSH, u l-kultura OSH tal-kumpanija tjiebet.