Punti ewlenin

02/06/2020

© EU-OSHA /Ján Kisucky / Photo Competition 2009

Tagħmir protettiv personali (PPE) intelliġenti jwiegħed livelli ogħla ta’ sikurezza u kumdità fuq il-post tax-xogħol permezz tal-użu ta’ materjali jew komponenti elettroniċi mtejba. Madankollu, hemm ostakoli li se jkun meħtieġ li jingħelbu jekk dan għandu jiġi implimentat b’suċċess fil-postijiet tax-xogħol Ewropej. Dokument ta’ diskussjoni ġdid jeżamina l-opportunitajiet li nfetħu u r-riskji imposti b’dawn it-teknoloġiji ġodda.

Għalkemm il-miżuri organizzattivi u l-protezzjoni kollettiva għandhom dejjem jingħataw prijorità, l-użu tal-PPE qed isir appoġġ intelliġenti.

01/06/2020

© EU-OSHA

Il-Barometru tal-OSH huwa l-ewwel għodda ta’ viżwalizzazzjoni tad-data b'informazzjoni aġġornata dwar l-istatus u x-xejriet tas-saħħa u s-sikurezza okkupazzjonali (OSH) fil-pajjiżi Ewropej.

L-għodda tikkonsisti f’erba’ gruppi ta’ indikaturi fuq firxa ta’ suġġetti tal-OSH, bħall-awtoritajiet tal-OSH, strateġiji nazzjonali, kundizzjonijiet tax-xogħol u statistika tal-OSH. Tista’ tivviżwalizza u tqabbel din id-data, tiġġenera grafika u tniżżel rapporti dwar suġġetti speċifiċi.

20/05/2020

© iStock.com/Jacob Ammentorp Lund

X’verament jaħdem fir-rigward tal-indirizzar tal-MSDs relatati max-xogħol? Ir-rapport il-ġdid tagħna jidentifika 25 inizjattiva varjata — minn kampanji ta’ sensibilizzazzjoni sa spezzjonijiet u leġiżlazzjoni — użati f’14-il pajjiż, filwaqt li jenfasizza dak li jista’ jsir sabiex jiġu evitati l-MSDs, b’mod partikolari fl-SMEs. Sitta minnhom huma esplorati aktar fil-fond, filwaqt li jinkiseb għarfien dwar kif jaħdmu fil-prattika l-azzjonijiet li jipprevjenu l-MSDs.

08/05/2020

© EU-OSHA 

L-EU-OSHA tippreżenta s-sejbiet ewlenin tal-edizzjoni 2019 tal-iStħarriġ Ewropew ta’ Intrapriżi dwar Riskji Ġodda u Emerġenti (ESENER) tagħha, li juri l-fatturi ta’ riskju ewlenin irrapportati mill-postijiet tax-xogħol Ewropej – id-disturbi muskoloskeletali u r-riskji psikosoċjali.

Aktar minn 45,000 kumpanija fi 33 pajjiż ipparteċipaw fl-istħarriġ, billi wieġbu mistoqsijiet dwar oqsma differenti tas-sigurtà u s-saħħa okkupazzjonali (OSH), inkluża l-kwistjoni emerġenti tad-diġitalizzazzjoni.

29/04/2020

Hu idea tal-kampanja li jmiss! Is-sit web il-ġdid huwa mimli b’informazzjoni u b’riżorsi ta’ għajnuna dwar mard muskoloskeletali relatat max-xogħol u għaliex għandna nimmaniġġjawh.

Aktar għodod u riżorsi se jiġi miżjuda fis-sit web, f’diversi lingwi, fit-tmexxija għat-tnedija tal-kampanja matul il-Ġimgħa Ewropea għas-Sigurtà u s-Saħħa fuq il-Post tax-Xogħol f’Ottubru 2020. Iżda m’hemmx għalfejn tistenna - żur is-sit web issa u ċċekkja kif tista’ tinvolvi ruħek fil-kampanja!

Pages

Pages