You are here

Punti ewlenin

15/12/2017

L-2018 dalwaqt tasal u bis-Sena l-Ġdida, il-kampanja “Postijiet tax-Xogħol li Jġibu ’l Quddiem is-Saħħa Jimmaniġġjaw is-Sustanzi Perikolużi” tinsab fil-qrib. Il-kampanja hija ddedikata biex tqajjem sensibilizzazzjoni għas-sustanzi perikolużi u tippromwovi kultura ta’ prevenzjoni fuq il-postijiet tax-xogħol fl-Ewropa kollha.

L-EU-OSHA ser tniedi din il-kampanja 2018-2019 fir-rebbiegħa. Aħna nisperaw li s-sħab u l-partijiet ikkonċernati tal-kampanja tagħna kollha jappoġġawha bl-istess qawwa li appoġġaw l-aħħar waħda, “Postijiet tax-Xogħol li Jieħdu Ħsieb is-Saħħa f’Kull Età”.

12/12/2017

Il-vidjo ‘Il-valutazzjoni tar-riskju bl-OiRA f’4 passi’ prodott fil-qafas tal-proġett tal-Valutazzjoni tar-Riskju interattiva Online (OiRA) ġie rilaxxat bl-Ingliż bis-sottotitli. Ibbażat fuq l-infografika ‘Il-valutazzjoni tar-riskju bl-OiRA f’4 passi’, il-vidjo jenfasizza l-valutazzjoni tar-riskju bħala l-bażi legali tal-approċċ Ewropew għall-aċċidenti, il-mard okkupazzjonali u l-prevenzjoni ta’ assenza minħabba mard fuq il-post tax-xogħol.

04/12/2017

Issa li l-kampanja 'Postijiet tax-Xogħol li Jieħdu Ħsieb is-Saħħa f’Kull Età’ 2016-2017 waslet fi tmiemha, għadu kemm beda l-countdown għat-tnedija tal-kampanja li jmiss tal-EU-OSHA 'Postijiet tax-Xogħol li Jġibu ’l Quddiem is-Saħħa Jimmaniġġjaw is-Sustanzi Perikolużi’ f’April 2018.

Il-kampanja 2018-19 għandha l-għan li tqajjem sensibilizzazzjoni dwar ir-riskji li jġibu magħhom sustanzi perikolużi fuq il-post tax-xogħol u li tippromwovi kultura ta’ prevenzjoni tar-riskju sabiex dawn ir-riskji jiġu eliminati jew immaniġġjati b’mod effettiv.

07/11/2017

It-tkabbir mgħaġġel tal-ekonomija tal-pjattaforma online qed jirriżulta f’żieda fil-forom tax-xogħol mhux standard, bħax-xogħol okkażjonali, xogħol fuq talba u impjieg ta’ xi ħadd għal rasu li huwa dipendenti fuq il-klijenti tiegħu. Filwaqt li l-pjattaformi online jistgħu jżidu l-opportunitajiet għall-aċċess tax-xogħol; ix-xogħol tal-pjattaforma jista’ jirriżulta f’riskji tas-saħħa u s-sikurezza okkupazzjonali (OSH) fiżiċi u psikosoċjali għall-ħaddiema.

02/11/2017

Inti xogħlok li ssuq jew li tiġġestixxi s-sewwieqa? Fl-aktar film riċenti tiegħu, Napo jittratta xi wħud mir-riskji tas-sigurtà u s-saħħa li jiffaċċjaw sewwieqa professjonali.

Il-film jagħti ħarsa bʼmod ċajtier lejn suġġetti li jinkludu l-manutenzjoni, it-temp u l-użu taʼ alternattivi għas-sewqan meta dan ikun xieraq. Jenfasizza l-importanza taʼ ppjanar u preparazzjoni tajbin, li jinkludu t-tagħbija sigura tal-merkanzija, l-ippjanar tar-rotta l-aktar effiċjenti u ħin biżżejjed biex il-vjaġġ jiġi komplut bʼmod sigur.

23/10/2017

Matul il-Ġimgħa Ewropea għas-Saħħa u s-Sigurtà fuq il-Post tax-Xogħol (23 – 27 ta’ Ottubru 2017), bosta msieħba tal-kampanja ‘Postijiet tax-Xogħol li Jieħdu Ħsieb is-Saħħa f’Kull Età’ jingħaqdu flimkien biex jippromwovu xogħol sostenibbli u tixjiħ f’saħħtu. Meta nqisu li bħala medja l-ħaddiema joħorġu mis-suq tax-xogħol fl-età ta’ 61 sena – ferm iżgħar mill-età medja tal-irtirar uffiċjali (65 sena) fl-UE, postijiet tax-xogħol siguri u li jieħdu ħsieb is-saħħa għal persuni ta’ kull età huma vitali biex insostnu l-forza tax-xogħol tal-Ewropa.

Pages