Punti ewlenin

L-użu ta’ robotika avvanzata u intelliġenza artifiċjali għall-awtomatizzazzjoni tal-kompiti qed isir dejjem aktar komuni fil-postijiet tax-xogħol tal-UE. Dan jippermetti lill-ħaddiema jiddelegaw attivitajiet ordinarji u riskjużi għal titjib fis-sikurezza u fl-iżvilupp tal-ħiliet, iżda joħloq sfidi bħal dipendenza eċċessiva, telf ta’ awtonomija u l-ħtieġa għal taħriġ xieraq.

L-awtomatizzazzjoni tal-kompiti hija l-qasam ta’ prijorità l-ġdid tal-kampanja “Xogħol sikur u tajjeb għas-saħħa fl-era diġitali”. Bosta riżorsi dwar is-suġġett, inklużi rapporti, studji ta’ każijiet, sommarji ta’ politika, skeda ta’ informazzjoni u preżentazzjoni huma diġà disponibbli f’lingwi differenti, b’aktar li jinħarġu fix-xhur li ġejjin! 

Skopri kollox dwar l-awtomatizzazzjoni tal-kompiti.