Image
Din l-għodda ta' viżwalizzazzjoni tad-data tenfasizza s-sejbiet ewlenin ta' proġett li twettaq mill-EU-OSHA fuq talba tal-Parlament Ewropew bl-għan li jifhem is-sigurtà u s-saħħa fuq il-post tax-xogħol (OSH) fil-kuntest ta' forza tax-xogħol Ewropea li qed tixjieħ.
Din tipprovdi preżentazzjoni viżwali aċċessibbli tad-data dwar id-demografija, l-impjiegi, il-kundizzjonijiet tax-xogħol, u s-saħħa fil-kuntest ta' forza tax-xogħol li qed tixjieħ, u tas-saħħa u s-sigurtà fuq il-post tax-xogħol u politiki relatati li qed jindirizzaw l-isfidi.
L-għodda hija interattiva u l-utenti jistgħu:
- isiru jafu aktar dwar l-isfidi ta' forza tax-xogħol Ewropea li qed tixjieħ
- jagħtu titwila lil politiki, strateġiji u programmieżistenti ta' Stati Membri differenti tal-UE
- jeżaminaw id-diversità demografika u soċjoekonomika, kif ukoll id-differenzi fis-sistemi tas-saħħa u dawk soċjali, fost erba' "gruppi ta' pajjiżi" Ewropej, u r-rilevanza ta' dan għall-iżvilupp tal-politika
- jużaw "profili tal-pajjiżi" biex iqabblu strateġiji ta' riabilitazzjoni u tas-saħħa u s-sigurtà fuq il-post tax-xogħol relatati mal-età fil-pajjiż tagħhom mal-UE kollha kemm hi u ma' pajjiżi oħra Ewropej.
Jingħata glossarju ta' termini li jintużaw ta' spiss u l-utenti jistgħu jikkondividu din l-għodda fuq, pereżempju, Twitter u Facebook.