Il-karrieri fl-EU-OSHA huma miftuħin għaċ-ċittadini tat-27 Stat Membru tal-Unjoni Ewropea flimkien mal-Iżlanda, il-Liechtenstein u n-Norveġja (partijiet għall-ftehim taż-ŻEE) .
L-EU-OSHA hija impjegatur taʼ opportunitajiet ugwali. Aħna nikkunsidraw lill-kandidati għall-impjiegi mingħajr distinzjoni taʼ sess, kulur, oriġini razzjali, etnika jew soċjali, karatteristiċi ġenetiċi, lingwa, reliġjon jew twemmin, opinjoni politika jew kwalunkwe opinjoni oħra, sħubija fʼminoranza nazzjonali, proprejtà, twelid, diżabbiltà, nazzjonalità, età, orjentazzjoni sesswali jew identità taʼ sess.
Dikjarazzjoni ta’ Privatezza tal-EU-OSHA dwar Proċeduri ta’ Għażla u Reklutaġġ: BG - CS - DA - DE - EL - EN - ES - ET - FI - FR - HR - HU - IS - IT - LT - LV - MT - NL - NO - PL - PT - RO - SK - SL - SV
Il-kundizzjonijiet tax-xogħol u kuntrattwali tal-persunal tal-EU-OSHA huma bbażati fuq ir-Regolamenti tal-Persunal (SR) u l-Kondizzjonijiet tal-Impjieg applikabbli għall-Aġenti l-Oħra tal-Unjoni Ewropea (CEOS).
Il-persunal impjegat mill-Aġenzija jinkludi prinċipalment Aġenti Temporanji u Aġenti Kuntrattwali.
Aġenti Temporanji
Karigi ta’ Aġent Temporanju huma kklassifikati skont in-natura u l-importanza tad-dmirijiet meħtieġa fi:
- Grupp ta’ funzjoni - Amministraturi (AD): jinkludi tnax-il grad minn AD 5 sa AD 16 li jikkorrispondu għal dmirijiet tekniċi, amministrattivi, konsultattivi, lingwistiċi u xjentifiċi
- Grupp ta' funzjoni - Assistenti (AST): Jinkludi ħdax-il grad minn AST 1 sa AST 11 li jikkorrispondu għal dmirijiet eżekuttivi, tekniċi u klerikali
Deċiżjoni tal-EU-OSHA dwar l-Ingaġġ ta' Aġenti Temporanji
Aġenti Kuntrattwali
It-tul ta’ żmien tal-kuntratti għal Aġenti Kuntrattwali jvarja skont il-ħtiġijiet tal-Aġenzija.
Karigi ta’ Aġenti Kuntrattwali huma kklassifikati f’erba’ gruppi ta’ funzjoni li jikkorrispondu għad-dmirijiet u għar-responsabbiltajiet involuti:
- Grupp ta’ funzjoni IV: jinkludi sitt gradi li jikkorrispondu għal kompiti amministrattivi, konsultattivi, lingwistiċi u kompiti tekniċi ekwivalenti
- Grupp ta’ funzjoni III: jinkludi ħames gradi li jikkorrispondu għal kompiti eżekuttivi, abbozzar, kontabbiltà u kompiti tekniċi ekwivalenti oħrajn
- Grupp ta’ funzjoni II: jinkludi erba’ gradi li jikkorrispondu għal kompiti klerikali u segretarjali, ġestjoni tal-uffiċċju u kompiti ekwivalenti oħrajn
- Grupp ta’ funzjoni I: Jinkludi tliet gradi li jikkorrispondu għal kompiti ta’ servizz ta’ appoġġ manwali u amministrattiv
Aġenti Kuntrattwali li l-kuntratt tagħhom huwa konkluż għal perjodu ta’ mill-inqas sena huma meħtieġa jservu l-perjodi ta’ prova li ġejjin. Jekk it-tul tal-kuntratt ikun inqas minn tnax-il xahar, l-Aġenti Kuntrattwali jistgħu jiġu eżentati mir-rekwiżit li jservu perjodu ta’ prova.
Deċiżjoni tal-EU-OSHA dwar l-Ingaġġ ta' Aġenti Kuntrattwali
