Pariri għall-ispeċjalisti tas-sigurtà u s-saħħa fuq il-post tax-xogħol

L-Aġenzija tipprovdi aċċess għal firxa wiesgħa ta' riċerka fuq l-effikaċja ta' l-approċċi differenti sabiex jiġi evitat u trattat l-istress relatat max-xogħol, sabiex tgħin lil dawk li għandhom interess professjonali fis-suġġett.
B'mod partikolari, ir-riċerka identifikat numru ta' fatturi bħala importanti għas-suċċess ta' l-interventi ta' prevenzjoni ta' l-istress fuq il-post tax-xogħol. Dawn jinkludu:

• analiżi xierqa tar-riskju;
• ippjanar dettaljat u approċċ gradwali lejn il-problema;
• tagħqid ta' miżuri mmirati lejn l-organizzazzjoni tax-xogħol u lejn il-ħaddiema nfushom;
• soluzzjonijiet li huma speċifiċi għall-postijiet tax-xogħol individwali;
• operaturi b'esperjenza u interventi bbażati fuq provi konkreti;
• djalogu, kollaborazzjoni u involviment tal-ħaddiema, u
• prevenzjoni kontinwa u appoġġ ta' l-ogħla uffiċjali.

L-Aġenzija tipprovdi wkoll aċċess għal soluzzjonijiet u għodod prattiċi li jista' jkunulek ta' siwi u tużahom fuq il-post tax-xogħol tiegħek sabiex tnaqqas ir-riskji psikosoċjali u tipprevjeni l-istress.